agnès b. Café LPG

這次用餐很享受！忌廉煙三文魚意粉口感濃郁，煙三文魚味道鮮美，奶油醬汁濃稠醇厚，三文魚份量亦十分充足。焗藍帶芝士火腿雞卷外層金黃香脆，內裡芝士濃郁與火腿鮮味完美融合，雞肉嫩滑多汁，合共4件；玫蜜羅勒檸檬特飲酸甜清爽，帶有淡淡花香和草本香氣，解膩又提神，飲到不同層次和味道。開心果蛋糕香濃細膩，樣子精緻美麗，口感鬆軟綿密，微帶堅果香氣和輕微甜味，層次分明，不會太膩。以上份量已適合2人晚飯享用，夠飽和滿足。…查看更多

weekend來左飲品，上一桌客走左服務員冇來清潔，我要求清潔都好正常，就走過去要求一個女服務員過來清潔一下，未想到服務員態度好差拿塊布隨便擺左兩下即刻走人，臉色都好差，飲品都麻麻地！唔會再來…查看更多

成日行過朗豪坊，經過見到呢間Cafe，坐滿左人係度食啲細蛋糕仔，但係其實呢度都有原個蛋糕🫨週末下晝去，同時間都有幾個人買緊🤫▪️Hazelnut Dacquoise💲320 (4’‘ Petit)外層係脆脆地既榛子同埋杏仁碎粒，裡面間層既係有啲榛子粒嘅朱古力慕絲同埋海綿蛋糕，類似金莎朱古力咁，味道唔錯既🫢唯獨係慕絲同埋蛋糕口感偏向乾硬，已經即買即食，但都好似雪咗成幾日咁🙂‍↔️🔎 整體評分（6/10）…查看更多

同閨蜜周末午飯後想黎個甜品下午茶，就黎到位於旺角朗豪坊3樓嘅agnes b cafe。呢度裝修以白色做主調，門口有得俾客人選購蛋糕，牆身有啲相片做佈置，枱係雲石面，入到去好似置身法國小餐館一樣。好在唔駛等位，即刻入去攞張枱坐低。咁啱間店做緊promotion, 買三件蛋糕可以減$30，我地就揀左伯爵茶朱古力、柚子、同埋栗子蒙布朗。柚子蛋糕口感清新，栗子蒙布朗就係一代經典，栗子cream綿密香甜。我自己最鍾意伯爵茶朱古力，覺得茶香味同朱古力嘅甘味非常之夾。…查看更多

喺agnes b. café輕鬆悠閒嘅下午，點咗兩款招牌健康美味嘅菜式：Spinach & Sautéd Veg Quiche同埋Smoked Salmon Avocado Figs & Kale Salad！🥗🥧菠菜炒菜雜菜批外皮鬆化，內餡充滿香濃芝士同埋鮮甜嘅菠菜同炒菜，每一啖都係滋味滿分，仲帶少少溫暖嘅法式風情，非常啱做輕食或者下午茶嘅選擇。而煙三文魚牛油果無花果羽衣甘藍沙律就更係健康之選，煙三文魚鹹香濃郁，配埋creamy嘅牛油果、甜美嘅無花果同埋清新嘅羽衣甘藍，口感豐富得嚟又唔會覺得膩滯，簡直係一碗健康又飽肚嘅沙律！整體嚟講，agnes b. café係一個結合法式風味同健康選擇嘅完美去處，食物質素穩定之餘仲超級適合打卡，推介俾所有鐘意健康輕食嘅朋友～…查看更多

🍫Earl Grey Chocolate Mousse cake $56最近喺旺角Agnes B 見賣相幾吸引就買咗個黎食，真係好滿意🥰呢個蛋糕售價$56，性價比高又好味！😍蛋糕外層係濃郁嘅巧克力慕絲，滑溜溜，入口即溶🤤最特別係入面混合咗Earl Grey茶葉，帶出淡淡嘅茶香，令整個味道層次分明，唔會覺得膩口！😈每一口都感受到香濃嘅巧克力同清新嘅茶味交織，真係好神奇😋而且蛋糕嘅擺盤都好精緻，放喺枱上都好靚😆…查看更多

食完dinner時間尚早，於是乎就嚟咗朗豪坊呢間cafe飲杯嘢食少少甜品再傾下偈。我哋叫咗栗子蛋糕雪糕、桂花荔枝雪糕同埋牛油果無花果奶昔三樣嘢。桂花荔枝雪糕一如想像般清新啲荔枝味都幾香。栗子蛋糕雪糕都幾過癮，當然有栗子味啦，但係原來食到底係有真嘅栗子蛋糕粒喺裏面，另外值得一讚嘅係佢呢個雪糕曲奇餅杯味道唔錯，都算鬆化。呢杯牛油果無花果奶昔就真係麻麻地，飲落去有少少苦味，因為miss開個杯所以只可以喺個窿仔度影幅相畀大家睇。…查看更多

用AE大頭卡有迷你蛋糕配飲品套餐買一送一優惠，優惠後價錢合理D😁感覺朗豪坊比IFC多D蛋糕款式，不過坐得更迫😐枱又細，好難放哂D野食飲品：咖啡 / 茶，多款選擇快餐店形式：先俾錢，攞牌等…查看更多

今日行到攰 所以喺朗豪坊呢間Cafe試吓環境比較迫 但係明白旺角係咁-店員冇乜耐性 可能人比較多態度喺香港嚟講都係正常發揮唔算特別差 但係就冇乜態度-大概$56件蛋糕飲品40幾蚊左右咖啡水平比Starbucks差味道中規中矩不要太高要求會接受到點了焦糖咖啡和榛子咖啡螞蟻人會很愛蛋糕真係麻麻哋 賣相唔錯 但係食落知道材料 係比較低成本的 放大少少睇 蛋糕的結構 氣孔很大 忌廉唔算滑口味偏甜 外貌搭救如果對食物有要求就最好唔好試如果隨便想搵個地方坐吓可以接受 …查看更多

慶祝朋友生日🎈而家先知原來Agnes b有做Cafe🙈▶️ PETIT FOURS 法式水果撻 ($88)好靚好打卡-able🌈色彩繽紛成set有六個迷你生果撻上面係唔同生果：士多啤梨、芒果、藍莓、金奇異果、菠蘿、白桃啲生果幾甜幾新鮮，士多啤梨好大粒🍓中間有雲呢拿吉士醬，幾幼滑，有蛋香又唔太甜底喺曲奇底，食落有牛油香，少少脆口🧈唔同顏色，有啲加咗朱古力，有啲就應該靠色素味道上唔錯，一人一口開心share，好好嘅飯後甜點唯一係價錢本身貴少少，食「牌子」然而服務就唔係太好啦。。。…查看更多

<Hazel🍫: Chocolate Cake> 💲56香濃朱古力蛋糕 入口即溶 甜而不膩😋<Valentine☕️: Dual Chocolate Coffee Ganache Cake> 💲56雙重朱古力咖啡甘納許 層次豐富 咖啡香氣十足 好正<Nina🍁:Earl Grey Chocolate Mousse Cake> 💲56伯爵茶朱古力慕斯 茶香與朱古力完美結合<Carla🥭 : Mango & Vanilla Mousse Cake> 💲56芒果雲呢拿慕斯 清新果香 適合唔鍾意食太甜嘅人<Valerie 🌰: Chestnut Mousse Cake> 💲56栗子慕斯蛋糕 栗香濃郁 口感綿密<Ophelie🍋: Lemon Tart> 💲56檸檬撻 酸甜平衡 撻皮香脆<Fleur 🍓:Strawberry & Mascarpone Mousse Cake> 💲56士多啤梨馬斯卡彭慕斯 甜而不膩 鍾意士多啤梨嘅會好開心<Opera au Sesame 🍵: Sesame & Hojicha Cake> 💲56芝麻焙茶蛋糕 都唔錯 芝麻幾香濃 同焙茶幾夾…查看更多

今日經過想叫杯奶昔，去到櫃檯同服務員講有冇奶昔？問咗兩次唔應，只係掛住同自己同事傾偈。真係好似唔憂做咁。結果我決定唔買，呢啲咁嘅服務態度一個仙都唔願意比。我係嚟買嘢食，唔係受氣，呢啲咁嘅服務態度，唔怪得大家都決定上內地消費。…查看更多

焙茶朱古力蛋糕/好有驚喜，入面層次好豐富，以焙茶葉最最底層 餅底，雖然薄薄一層，但都已經好濃郁。開頭睇外表以為係好甜嘅朱古力蛋糕，原來係茶味好香，而且朱古力唔太甜又唔苦澀，味道令人眼前一亮，估佢唔到。流心草莓蛋糕/首先睇佢外表，顏色唔會係好假嘅草莓色，亦無個種一般超市買到嘅果醬味道，係自製嘅果醬。蛋糕上有粒迷你馬卡龍，外皮超級鬆脆，唔可以咬開食 要全粒放入口，覺得似蜜瓜味 但唔肯定係咪。切開見到真係有流心😍，無呃我。蛋糕係清新嘅草莓+酸酸甜甜咁，好開胃，係一個食落唔油膩既蛋糕。…查看更多

煙三文魚蜜糖蛋黃醬香草包煙三文魚超簿簿一片.....也沒有食到蜜糖蛋黃醬的味道.....好彩個包焗得脆脆的.紅火龍果香蕉燕麥奶沙冰很香滑, 香蕉味很重.火龍果配香蕉, 很健康的組合!…查看更多

Carla $54Mango, Vanilla Bavarois, Vanilla Sponge外面芒果味有點帶酸, 但配埋裡面的香草味可以中和番, 有點似食布甸感覺. 值得一試.Ophélie $54Lemon Curd, Lemon Mousse, Meringue蛋白霜不會太空氣, 口感很好.但TART底有點淋. 可能拎番屋企時間太長.…查看更多