醉鍋館 (已結業)

天寒地凍最適合一大班人打邊爐架啦！今次除做叫打邊爐之外仲叫左d 小食同小菜，全部都唔錯  頭盤先黎個炸蝦多士，炸的非常脆口，蝦膠口感同味道適中 之後再黎個泰式豬手，唔系太辣，作爲前菜幾開胃，唔錯 之後再黎就系我最中意食既冰！鎮！咕！嚕！肉！！ 真系用大量既冰鋪滿成個盤，咕嚕肉本身甜酸味道恰到好處，表面經過冰鎮后有拔絲的感覺，微涼脆口，入面肉汁豐富，最重要系入面仲系熱架！食落去口感非常有衝擊性！好好味呀~~ 哈哈 當然重點都系打邊爐啦...海鮮普普通通，不過魚噗唔錯 呢個韭菜餃好好味！皮薄餡靚，肉汁都幾豐富~ 手打墨魚丸非常彈牙！  食完有d 想叫多一碟 雞子都唔錯，幾新鮮~ 冬天食打邊爐真系好正，推介呢間比大家，價錢OK，經過深水埗可以去試下