新川美食

今日食：撈紅薯粉+生根、滷水雞翼同凍檸茶，整體算係抵食！

紅薯粉：彈牙有咬口，唔會太腍，調味都算足夠，撈粉本身冇酸菜，我覺得唔夠酸，所以自己加咗醋。不過原來有湯底版本係有酸菜嘅，下次可以試吓！

生根、響鈴：好食！吸汁入味，唔油膩，真係有啲餐廳嘅響鈴會唔好食，呢度嘅滿意！

牛肉：比較普通，食落有啲膠膠哋，難咬開，口感唔太好，食嗰陣仲有少少擔心會哽親。

滷水雞翼：味道算入味，但煮得耐咗，肉質偏柴，口感扣分。

凍檸茶：試咗走甜同少甜，走甜反而好飲啲，茶底有啲淡，少甜版本嘅糖精味太重，唔太推薦。

總結：$55兩餸包嘢飲，性價比算高，餸菜質素參差，但紅薯粉同生根響鈴係亮點！如果揀到好食嘅餸菜可以上4星。

特登去就未必，但如果路過或者想解決一餐，可以一試～