影片
营业时间
今日营业
11:00 - 21:30
星期一至六
11:00 - 21:30
星期日
全日休息
以上资料只供参考，请与餐厅确认详情
心血来潮想食红薯粉，人在太子即刻揾下附近有冇呢样野～见到每次经过都有啲兴趣嘅新川美食，今次唔使谂啦，即刻行过去！晚上八点松啲嘅时间入面坐爆，不过等左5分钟就入得。汤炸酱大肠麻辣腩肉红薯宽粉+可乐炸酱啲份量都几多，味道仲好OK添！反而大肠味道一般，而麻辣腩肉好瘦，呢两个𩠌都麻麻地，比较失望。主角：红薯宽粉系好食嘅！汤底都系OK嘅！整体食后感系：价钱平、想食红薯粉嘅话可以再黎。姐姐嘅服务正正常常，而且非常快手！
继续阅读
🥣 炸酱汤红薯粉条配麻辣猪耳、猪颈肉 ($49)叫咗小辣，个汤底正常👌🏻 薯粉系挛挛薯粉😍猪颈肉软硬适中，但系佢就唔系炸过嘅猪颈肉，冇咁惹味🐷 唔知有冇人都食得出，出面有啲猪颈肉系有猪臭味嘅，但呢间就冇👍🏻麻辣猪耳食落超级滑😋DaiC的话💭：1️⃣环境光猛，干净企理👍🏻 估唔到食薯粉嘅舖头都会有置物篮预备俾客人🧺2️⃣当日我星期六中午去到，唔算多人，店员都好nice🍽️：新川美食📍：太子砵兰街414号地舖
继续阅读
特登叫个蕃茄汤米线外卖返到屋企个汤底变咗清汤明明离开舖头前仲问多一次汤底系咪蕃茄汤𠮶上年纪职员仲答我系🙄返到屋企发现后，第一时间打电话去舖头问返个上年纪嘅职员我话你头先又答我呢个系蕃茄汤？佢话我答你张单系咋嘛，我根本都冇睇过你碗嘢！净系识得讲，哎呀系咩，唔好意思完全冇话补返个汤底俾我，因为蕃茄汤底要额外加钱咁我话咁点？系咪要我拎多次落嚟？落到去舖头话我哋搣走咗钉喺外卖胶袋出面既外卖单又系𠮶个上年纪嘅职员搣走！最搞笑反而系话个客自己搣走。态度又唔系好，做嘢成日甩甩漏漏帮衬咗几次，次次都有问题！而且今次我叫冬菇同猪皮𩠌，佢哋啲𩠌劲少冬菇得三小嚿！总之外卖嘅话就睇路啦！你估个个都咁得闲返转头补返啲汤底？
继续阅读
呢间餐厅真系令人失望，服务态度差到极点！每次去到都硬系要逼客人坐墙角嘅位，完全无尊重客人意愿。最离谱系个阿婶，成日黑住块面，好似你欠咗佢钱咁，讲嘢又唔礼貌，完全冇服务态度可言。食物质素亦系一般，完全唔值得忍受呢啲咁嘅服务。食饭应该系一件开心嘅事，但系喺呢度食饭只会令人气愤，简直系自讨苦吃。呢间店真系应该检讨一下自己嘅服务态度，否则我相信好快就会冇人再帮衬。以后我一定唔会再踏入呢间店一步！
继续阅读
今日食：捞红薯粉+生根、卤水鸡翼同冻柠茶，整体算系抵食！ 红薯粉：弹牙有咬口，唔会太腍，调味都算足够，捞粉本身冇酸菜，我觉得唔够酸，所以自己加咗醋。不过原来有汤底版本系有酸菜嘅，下次可以试吓！ 生根、响铃：好食！吸汁入味，唔油腻，真系有啲餐厅嘅响铃会唔好食，呢度嘅满意！牛肉：比较普通，食落有啲胶胶哋，难咬开，口感唔太好，食𠮶阵仲有少少担心会哽亲。 卤水鸡翼：味道算入味，但煮得耐咗，肉质偏柴，口感扣分。 冻柠茶：试咗走甜同少甜，走甜反而好饮啲，茶底有啲淡，少甜版本嘅糖精味太重，唔太推荐。 总结：$55两𩠌包嘢饮，性价比算高，𩠌菜质素参差，但红薯粉同生根响铃系亮点！如果拣到好食嘅𩠌菜可以上4星。特登去就未必，但如果路过或者想解决一餐，可以一试～
继续阅读