影片
更多
2010-10-17
5 浏览
8月2日, 500篇食評! 除咗恭喜都唔知講乜好!是日晏晝lunch喺太古城食, 去大食代好處係有好多唔同選擇, 雖則大部份都只係水準一般… 見到呢間台灣野鹽酥雞扒幾吸引咁wor~::: 鹽酥雞扒飯餐 ::: $38一個餐都幾多野食, 除咗飯仲有湯同菜~ 湯就味精朋友, 清清地尚可入口~ 生菜就唔係好新鮮, 味道有少少苦, 點一點豉油都係冇乜味… 重點鹽酥雞扒飯只可以用大碟形容, 飯同雞扒都好多, 又有台式肉燥汁~ 可惜個肉燥汁只係甜豉油咁, 冇乜碎肉, 撈埋飯只係食咗一半度… 另外雞扒鹽酥味就有, 不過雞扒就太乾太硬, 咬都有d難度, 亦都幾凍下, 尤其喺咁強冷氣之下…大食代最大唔好處係d食具真係唔太乾淨, 同有陣漂白水味… 除此之外, 其他食店大部份都唔突出, 輪流選擇, 有好一陣子都唔會再揀呢間台灣野.
是日晏晝lunch喺太古城食, 去大食代好處係有好多唔同選擇, 雖則大部份都只係水準一般… 見到呢間台灣野鹽酥雞扒幾吸引咁wor~
::: 鹽酥雞扒飯餐 ::: $38
一個餐都幾多野食, 除咗飯仲有湯同菜~ 湯就味精朋友, 清清地尚可入口~ 生菜就唔係好新鮮, 味道有少少苦, 點一點豉油都係冇乜味… 重點鹽酥雞扒飯只可以用大碟形容, 飯同雞扒都好多, 又有台式肉燥汁~ 可惜個肉燥汁只係甜豉油咁, 冇乜碎肉, 撈埋飯只係食咗一半度… 另外雞扒鹽酥味就有, 不過雞扒就太乾太硬, 咬都有d難度, 亦都幾凍下, 尤其喺咁強冷氣之下…
大食代最大唔好處係d食具真係唔太乾淨, 同有陣漂白水味… 除此之外, 其他食店大部份都唔突出, 輪流選擇, 有好一陣子都唔會再揀呢間台灣野.
张贴
