逸東軒

营业中

休息中

因為現在限聚令上至8人，所以約了朋友共8人到這裡晚飯。烤鴨，微暖皮少少脆，普普通通。鴨崧，炒得比較乾，一般。义燒，份量大，帶點肥，幾好味。燒腩仔，皮好脆，吾錯。粉葛鮻魚西施骨湯，真材實料，好濃烈。蝦醬唐生菜，煲仔上，惹味非常。薑汁芥蘭遠，薑味濃。瑤柱荷葉飯，好大個，又系比較乾。旦白杏仁茶湯丸，杏仁茶不太甜，湯丸就麻麻，個皮好削。馬拉糕，好有彈性，幾好。甜薄撐，皮脆餡料豐富，可惜份最細，每客得4小件，所以追加了多一碟。擂沙湯圓，冇試。埋單$2200/8位（現在晚膳散叫有7折），抵食。但好明顯待應人手嚴重不夠，所以茶壼加水也要揚手多次才有人應。