影片
更多
2010-02-23
15 浏览
眨下眼又黎到第 400 篇，有時會好無心情好求其寫，有時又會突然勁熱衷，哈哈，真係奇怪。不過而家上Openrice睇又好寫都好，都已經成為左我生活既一部份。今日係中環原本唔係想食呢間越式法包架，雖然佢都係我想食既店子之一，但又有D覺得好熱氣，想遲D先再黎試。點知黎到附近其他店子都無哂位，咁我又趕住返工，見呢到有位所以最後都黎左呢度啦。我企係門口已經見到大大個Openrice笑臉，原因係佢地入選左2010年Openrice既選擇嘛，所以大大張Poster痴左係門口。跟住到我入去坐低，檯面又有Table Stand又係Openrice，到處都係OR笑臉，唔知呢個笑臉有無成功為佢地宣傳呢？入到去拎個menu睇下，望左陣就有個姐姐埋黎問我食咩，我見我一個人，唔想阻左人地D檯，所以就「柄」埋一邊，自己對住個窗慢慢食。呢度俾我既感覺好CAUSAL，即係無咩規矩咁，你鍾意俾錢先又得，唔鍾意食完再俾又得，佢都好似唔係好理你咁。佢有套餐選擇，最後我就要了越式法包+小食+飲品，都係$50，都算抵食，始終係中環區喎。我要了個越式特級法包 + 水晶蝦卷 + 圓肉冰。姐姐很貼心問要不要辣椒和芫荽，我即刻耍手擰頭
今日係中環原本唔係想食呢間越式法包架，雖然佢都係我想食既店子之一，但又有D覺得好熱氣，想遲D先再黎試。點知黎到附近其他店子都無哂位，咁我又趕住返工，見呢到有位所以最後都黎左呢度啦。
我企係門口已經見到大大個Openrice笑臉，原因係佢地入選左2010年Openrice既選擇嘛，所以大大張Poster痴左係門口。跟住到我入去坐低，檯面又有Table Stand又係Openrice，到處都係OR笑臉，唔知呢個笑臉有無成功為佢地宣傳呢？入到去拎個menu睇下，望左陣就有個姐姐埋黎問我食咩，我見我一個人，唔想阻左人地D檯，所以就「柄」埋一邊，自己對住個窗慢慢食。呢度俾我既感覺好CAUSAL，即係無咩規矩咁，你鍾意俾錢先又得，唔鍾意食完再俾又得，佢都好似唔係好理你咁。
佢有套餐選擇，最後我就要了越式法包+小食+飲品，都係$50，都算抵食，始終係中環區喎。我要了個越式特級法包 + 水晶蝦卷 + 圓肉冰。姐姐很貼心問要不要辣椒和芫荽，我即刻耍手擰頭說不要呢。
飲品好快就來到了，送飲品來的是一個好SWEET的姐姐，超好笑容，應該唔係香港人，真係好鍾意佢，因為佢笑容好靚又有禮貌，總之就係好Sweet sweet既感覺。圓肉冰開頭飲覺得有d淡，但可能係我未搞均，飲下飲下慢慢越來越濃味，好香龍眼味，感覺好清新，而且佢仲有好多龍眼肉，粒粒都又大又甜好爽口，好喝!!!*** 不過搞笑既係我話要龍眼冰個個人問我要熱定凍.... 乜冰都有熱架咩？？
食物由於即叫即整，所以都要等頗長既時間先有得食。先來半份小食水晶蝦卷，嘩，擺得好靚，感覺好似去左D靚靚餐廳食野咁。而且份量都幾多呀，不過佢只係俾隻叉我，令我食起黎非常論盡，散到周圍都係，最後發現應該一口食哂佢係最安全既選擇。佢個醬汁酸酸地，加埋好清新好開胃。D蝦好細隻，但蝦味好鮮好出，內裡再附有扎肉，檬粉，蘿蔔絲等等，是不錯的，不過佢仲加埋薄荷葉... 搞到我食到D牙膏味咁，同我屋企隻牙膏味道勁似，哈哈!!! 俾我我會想唔要左D薄荷葉就好啦。
之後又再等，等左 8 分鐘到，主角終於黎啦，用個籃子裝住，非常整潔。唔好睇小呢個法包，我食完非常飽架。特級法包餡料有鵝肝醬，雞肉鬆，鹹豬手加埋扎肉。本身個包佢地就有牛油，蘿蔔青瓜絲再加自製醬料。法包外脆內軟，又有麵包香，加埋牛油同自家醬料既味道，好食。鵝肝夠香，豬手亦好味，反而唔係好食到扎肉既味道。幾種食物放入口真係味道感覺真係好有層次，味道唔會過鹹，加埋酸酸既青瓜蘿蔔絲，真係好味!!! muah*** 食到尾食到少少蒜蓉，相信係佢自家醬料既材料之一。
呢間店子小小，不過客人幾多，有唔少外國人客呢。而且很多人看到它的廣告也停在店子門口研究一番，相信會越來越多客人呢。這裡食物好吃(雖然真的慢了點點)，服務又好，難怪入選Openrice啦。吃完就滿足的走了，希望下次來再可見到sweet sweet的送食物姐姐。第 400 篇就此報告完畢。=)))
张贴
