鍋霸吃到飽台式養生火鍋 (莊士倫敦廣場)

营业中

休息中

今日天氣溫度突然驟降最適宜就係打邊爐，行到佐敦莊士敦廣場見到好多間火鍋店， 呢間好吸引因為佢係藥膳火鍋每個湯底都好滋補，仲要午市任食4.5小時可以慢慢嘆 👍湯底好多款選擇，我地揀左藥膳椰子雞涮涮鍋， 湯底一上枱已經聞到好香嘅椰子香 ， 雞肉鮮嫩椰子湯香甜而不膩， 加上不同嘅藥材令湯底味道層次更豐富。我哋揀咗 level 2套餐， 美國Prime Grade牛肩胛肉, 有著濃郁嘅肉香豐富嘅口感， 仲有其他火鍋配料好多選擇任飲任食， 另外可以加＄40/位 海鮮任食， 有白鱔片， 帆立貝，墨魚仔等等 ，仲有海蝦大大隻新鮮彈牙。另外食滿300蚊可享一小時，食滿500蚊可享2小時 泊車優惠添😂。