鍋霸吃到飽台式養生火鍋 (莊士倫敦廣場)

营业中

休息中

今日約咗朋友佐敦食lunch，朋友話好肚餓想食火鍋 放題， 第一時間就諗到莊士倫敦廣場～鍋霸吃到飽台式養生火鍋。呢間火鍋放題 環境舒適座位寬敞， 店員有禮 ，食物用料上乘選擇多。亦有自助醬料區可以選擇唔同醬料配搭。我哋叫咗湯底壽喜燒鍋加 香濃蕃茄鴛鴦鍋，2款湯底都好足料香濃美味。Prime Grade 美國安格斯肥牛：肉質鮮嫩油花分布均勻，口感滑順。當肥牛在鍋中輕輕涮煮幾秒已可食用，肉的鮮美。西班牙無激素猪肉片：豬肉片肉質鮮嫩且帶有自然的甜香， 薄切唔肥膩。海鮮 有貝殼類精選海鮮、 游水海蝦、 鮮脆鯇魚片、 鮮脆骨腩、 白鱔片、 深海魚柳同墨魚仔選擇， 各款海鮮鮮甜美味。另外 熟食有 手拍青瓜麻辣木耳外 仲有台式街頭小食炸花之丸及鹽酥雞， 店家好細心準備幾款shake shake粉， 梅子、海苔、 芝士、 香辣可供調味。

放假對自己好啲，想打邊爐，中午係佐敦搵到間地點方便，又多食物款式揀嘅台式邊爐，發現真係幾正。鍋覇主打台式養生火鍋，120分鐘任叫任食，而且裝修時尚，位置寬敞，同其他地方唔同嘅呢度佢有特色嘅湯底，湯味濃郁，而且上菜好快👍🏻👍🏻食午市都想有個空間可以坐低慢慢同朋友聚會，又唔使自己出去攞嘢食，想有人招呼，而家可以多個非常好的選擇。食物質素又同散叫嘅火鍋餐廳差唔多，今次試咗prime grade牛肩胛套餐，湯底揀咗養生竹笙雜菇火鍋，好足料！好香好味，我會飲埋個湯！食物有高質美國牛肉，西班牙黑毛豬，炸物，手工配料類，火鍋配料類，面類及蔬菜類一共60幾款，選擇多不勝數，飲品部份設有凍飲及熱飲，熱飲區十分貼心，啱晒大人小朋友同老人家！📍鍋覇吃到飽養生台式火鍋📕佐敦彌敦道219號莊士倫敦廣場6樓

🔥Lunch去左鍋霸吃到飽台式養生火鍋🥘呢度環境夠大，又企理，出邊有大量唔同嘅嘢飲， 有啲自家製嘅山楂水、茶、梳打水、紙包飲品等等都有😊😊我哋叫咗個Level 3 3️⃣西班牙伊比利亞黑毛豬，可以食到唔同種類嘅豬同雞同牛🐷🐥🥩叫左個🐣台灣養生花膠雞湯底😌湯底比較深色 原本已經有大大塊花膠喺度，先飲啖原湯再涮肉，最能感受膠質既精華😗😗🐷西班牙無激素豬肉片，帶有榛果香氣的脂肪，再蘸沙茶醬啱啱好🤎我地仲食左美國牛肩胛肉、西班牙伊比利亞黑毛豬，同埋以醬油醃製既秘制台式雞件，同花膠雞湯底「雙重雞鮮」好好搭配😃😃😄😄另外仲加咗錢可以食埋海鮮😌😌🐟有游水海蝦 新鮮鱔片 帆立貝 可以中和一下食肉既油膩😙😙另外又唔叫任食嘅就有好多唔同嘅丸🔴全部都係手工制，手工墨魚丸、黑松露墨魚丸、黑松露墨魚滑手工、潮汕豬肉丸、手工梅菜豬肉丸🍡款式種類都幾多 最搞笑係有足八吋長蟹棒🦀同埋爆醬濃芝士牛丸、響鈴、炸魚皮都好滋味🤭🤭最後有得食埋Movenpick 🍨

以前打邊爐都好鍾意重口味湯底，近呢幾年又多咗好多養生湯底嘅選擇，就好似花膠雞湯或者椰子雞湯等等。大愛鍋霸呢個藥膳養生花膠雞湯，鮮甜湯底，藥膳味唔算好重，忍唔住每人都飲咗一碗😂而且入面嘅雞肉都幾嫩滑，仲有大量嘅花膠！鍋霸嘅午市火鍋放題可以坐足4.5 hours，我都係第一次聽可以食咁耐嘅火鍋店！Level 2 美國Prime Grade牛肩胛肉($198/1 - 假日價錢)，另外加$40仲可以升級海鮮，無限添加游水海蝦、花膠、白鱔等等❣️個人覺得都幾值，海鮮都幾新鮮！仲有，火鍋配料都相當有誠意，有勁多手工丸類同埋手工餃，本身都冇留肚食咁多火鍋配料，但都係忍唔住🤣最鍾意梅菜豬肉丸、黑松露墨魚丸，勁彈牙，仲有麻辣粟米豬肉餃，感覺喺其他餐廳都唔會有呢啲選擇！

呢間任食火鍋店價錢比一般嘅高，不過食物質素都算唔錯，整體都OK。我哋揀咗最平嗰個餐，限食兩個鐘，啲牛肉同埋海鮮都OK，最重要係出餐出得快，唔會話啲貴價嘅配料就出得好慢，啲平價嘅火鍋配料就係咁出俾你。啲牛肉嘅質素都OK，啲脆鯇同埋鱔片都幾新鮮。

今日中午去咗鍋霸打邊爐，佢嘅午市價錢真係非常吸引！最平163起就可以火鍋無限任食任飲，CP值高到冇得輸！如果你好似我咁，想食多啲肉，特別係牛肉，不妨升級到LevelTwo，都只係188，非常划算。當然，佢哋仲有其他海鮮可以加錢升級，不過我覺得就算唔升級，佢本身提供嘅配料都已經好多選擇，夠晒你食。講到配料，不得不提佢哋嘅魚皮！真係必叫㗎！因為佢有好多唔同嘅調味粉可以揀，無論你鍾意芝士味、酸梅味定係辣味魚皮，呢度都有得滿足你嘅味蕾。🧀🌶️ 食落去脆卜卜，再配埋唔同嘅調味粉，真係好過癮！除咗嘢食，佢哋嘅自家製飲品都好有特色，我特別鍾意佢嘅山楂茶，酸酸甜甜好解膩，打邊爐必備！🍹
其他火鍋配料都好齊全，魚丸、牛丸、腸仔，仲有六吋長嘅蟹棒，全部都可以無限任叫，食到你飽為止，真係好暢快！👍

❤️lunch打邊爐可以食足4.5鐘！真係好似店名寫食到飽啊！💙鴛鴦鍋嚟講，我鍾意野菌嗰個多過芫荽味！因為真係好鮮甜，同埋有好多菌類，未落材料前都飲咗半碗湯底！推薦鴛鴦食兩隻味！🩵最意想不到係佢啲雪糕有好多種類，又有movenpick同Häagen-Dazs，開心果味Dreyer‘s雪糕同脆皮kitkat！💛最鍾意係牛肩胛肉同黑毛豬！薄切一淥就熟又唔韌！黑毛肚同白鱔片都係我必選！d雞件超級滑嫩，啖啖雞腿肉！🩷飲品櫃，好貼心咁分咗冷飲常溫同熱飲！又奶類到酒精到碳酸飲品都有，同自家製作嘅花茶水果茶都有！

難得放假星期六就早d出去食個lunch, 呢一間位放佐敦嘅鍋霸坐低左之後環境都唔錯喎，光猛嘅玻璃睇到街外，不過就冇影到相，湯底未到已經有d冷盤喺枱面可以食住先，唔錯嘢飲都係正常乜都有，有驚喜嘅係個台式黑糖冬瓜茶，唔知係咪自製呢，唔太甜好飲喎咁食火鍋主要一定食肉喇，推介西班牙黑毛豬，好有肉味，可能因為揀level3嘅關係個人覺得好食過牛，因為切得薄所以淥一陣就食得，yummy食到咁上下叫咗個movenpick薄荷朱古力解一解油膩感跟住我地又叫左d海鮮，d蝦都好鮮甜所以叫咗幾次，另外叫咗個“是日海鮮”，當日係沙白，好鮮甜又冇沙，叫左最少5次，不過掛住食冇影到，推介

一講到莊士倫敦廣場，就會諗到抵食嘅任食。呢間一至五午市，仲可以食到四個半鐘，好誇張！真係好啱約埋幾個朋友，食飽後慢慢坐，繼續飲野傾計。如果想更抵，2點後入座仲有88折，咁抵就唔使北上😆。小事牛刀，叫個LV2先，$188食到Prime Grade牛肩胛肉同無激素豬肉片都OK，升級埋海鮮+$40。湯底花多眼亂，養生湯好似幾好，多菇仲有竹笙，好吸引。🔺藥膳竹笙雜菌鍋：啲竹笙好大舊，湯好甜，配肉唔錯。🔺美國牛肩胛肉：係薄啲，但肉質不錯，唔肥，有牛味。🔺手打丸：一定要叫，每款都不錯。以為梅菜肉丸會好咸，結果又唔會。🔺海鮮：蜆鮮甜。蝦大隻，但一般。脆鯇多碎骨，要小心食。白鱔唔錯。🔺飲品：超多選擇，無糖茶，冬瓜茶，酸梅汁，汽水，仲有維他奶。🔺甜品：雖然雪糕冇任食，但係高質嘅Movenpick/Häagen-dazs。🔺醬油區：好乾淨，配料乾爽，用得安心。

呢一間台式火鍋放題店朋友食過話幾抵食，所以今次亦都幫襯試下，因為我哋都係啲繁忙時間去，所以個價錢比起一般嘅火鍋放題嚟講係略高，我哋揀最平嗰款，兩小時任食，唔肯加少少錢轉無限時，埋單年加一都要300蚊一位，不過佢啲食物嘅質素係唔錯嘅。火鍋湯底有好多款任揀，我哋就揀咗藥膳花膠雞湯底。火鍋配料嘅質素係幾好㗎，而且唔會預先set咗將啲高價火鍋料自動鎖機。對住呢個view嚟打邊爐值回票價啦。調味料都幾靚仔幾多選擇。畀大家參考下有啲乜嘢可以叫嚟食。除咗一般嘅罐裝同埋紙包裝飲品，呢度仲有啲自製飲品。最後仲有高級雪糕一人一杯好正。

一早聽聞呢間火鍋店好出名， 今日星期日怕多人一早book咗位同另一半撐枱腳～地點非常方便，一出佐敦站就到，落雨都唔驚🤭 去到已經有條長龍， 好彩一咗book咗位， 好快職員就叫我哋揀好套餐安排入座。我哋今次叫咗第二級， 湯底亦有好多選擇， 我哋就選擇咗比較少見嘅胡椒豬肚雞湯同椰子雞湯😋 兩款湯底都非常足料， 有好多豬肚，胡椒味都好濃， 而且加湯都會加返相應嘅藥膳湯底 ， 唔會令到個湯越嚟越淡 。第二級牛肉有一款， 豬肉都有一款， 另外佢有好多款手打丸，牛丸， 仲有黑松露 墨魚滑添😍 黑松露墨魚滑非常推介， 除咗真材實料仲有好濃嘅黑松露味， 鍾意黑松露嘅你哋必食！ 另外仲有唔同嘅海鮮包括白鱔片，沙白， 款款都非常好食～牛同豬嘅質素都非常唔錯，望落去有啲薄但食落去好有肉味， 而且肥膏唔多， 啖啖肉！ 我哋都食咗差唔多十碟😋佢仲有芫茜燒賣，啱曬我呢個芫茜迷！！！！ 值得讚賞嘅係餐廳非常細心， 飲品有三種溫度， 凍飲常溫同熱飲都有， 而且仲有一盒盒嘅維他朱古力奶非常驚喜， 凍飲有餐廳自家製嘅冷泡茶， 每款都好濃味👍而整體餐廳嘅衛生都非常乾淨， 調味料區長期有人清潔， 上菜亦都非常快， 整體嚟講

最近同男朋友去咗佐敦食火鍋，😱呢間絕對係我食過最抵玩嘅台式養生火鍋，星期日竟然係$228任食4.5小時吃到飽，嘢食又唔差👍🏻😋 啱曬嚟同朋友聚會邊傾邊食！🤭🤭✨第三級: 西班牙伊比利亞黑毛豬 ($228 假日)西班牙伊比利亞黑毛豬，🙂‍↕️肉質軟嫩入味，油花分佈得啱啱好，涮幾秒已經可以食！😋 PRIME肥牛片都係另一個驚喜，切得薄薄嘅，入口嫩滑，牛味好濃！🐮 仲有爽滑豬肚同牛柏葉，💗兩款都好有嚼勁，特別係豬肚，爽口得嚟唔會太韌，男朋友表示好喜歡🤭✨追加海鮮($40)海鮮方面亦都唔會令人失望，種類多到癲！帆立貝新鮮彈牙，墨魚仔咬落爽脆有嚼頭，涮完仲保持到彈性！我哋仲嗌咗花膠、黑毛肚、白鱔片等，都值得一試！✨鴛鴦鍋 ($48)鴛鴦鍋揀咗藥膳花膠雞鍋同小辣麻辣牛肉鍋，兩款都好有特色！🥣 藥膳花膠雞鍋湯底濃而不膩，🤭帶有淡淡嘅藥材香，飲落養生又暖胃，🥹涮肉涮菜都好夾！麻辣牛肉鍋就啱晒鍾意微辣嘅朋友，🌶️香辣得嚟唔會太刺激，辣味同麻香好平衡，涮肉同海鮮都好match！🔥🥵

老母親一起身就話想打邊爐要滿足大人 即刻帶佢出去佐敦鍋霸喇因為我上網睇到午市有成4.5小時任食喎！可以同母親大人慢慢食 慢慢傾都得間野仲要坐得幾闊落，環境幾好😚揀咗lv2 美國Prime Grade 牛肩胛肉 🥩再加埋40$ 升級海鮮🤪今日是日海鮮係沙白 我至愛呀！揀咗藥膳椰子雞湯底 + 藥膳花膠雞湯🥰兩個湯底都好濃味未有野食就即刻整配料同拎野飲先啦配料都多選擇 滿足到唔同人嘅口味🥳野飲又多野揀 仲有！ 有個熱櫃專放熱野飲呢樣野好值得讚喎！有啲人真係唔鐘意飲凍/ 女士個幾日可以飲熱野細心🤩牛肩胛肉好好食！不停encore不得不讚個無激素豬肉之前係其他地方都好似無食過咁靚嘅豬🤩仲食咗好多野，樣樣野都好正！走個陣真係要捧住個肚🤰🫃

星期六準備去尖沙咀打卡，順便去咗呢一間主打藥膳湯底嘅台式火鍋店，午市最平$163就可以任食4.5個鐘，真係抵到爛！湯底有成20款養生選擇，我哋嗰日揀咗level 2 嘅set 黎食，同埋因為我同朋友都想試多啲唔同嘅湯底，所以揀咗鴛鴦鍋。美國Prime Grade牛肩胛肉，油脂分布均勻，輕輕一淥就食得，肉質嫩滑牛味香濃。西班牙無激素豬肉片都唔錯，薄切易熟，口感爽彈。台式秘製雞件醃得入味，煮耐啲都唔會鞋。配料方面最驚喜係新鮮萵筍，爽脆清甜；響鈴索湯一流，浸3秒就食得。當然打邊爐就唔少得牛柏葉、炸魚皮等打邊爐必備配料，仲有大量蔬菜，夠晒健康。飲品區選擇超多，由凍檸茶到熱桂圓紅棗茶都有，啱晒唔同人需要。服務都幾好，收碟快。以呢個價錢可以任食高質牛肉同養生火鍋，仲要坐足4個鐘，起佐敦區嚟講絕對係一個唔錯嘅選擇！

約朋友出嚟食飯當然就要搵個有好嘢依又可以坐得耐慢慢吹水嘅地方，所以我地就嚟鍋霸台式養生火鍋來一個午市火鍋放題。我依個打邊爐控選擇嚟依度除左鐘意佢環境寬闊，可以坐得舒舒服服，最重耍要係可以食四個半鐘，一邊食好西一邊傾計，仲唔超級正。肉類套餐同火鍋湯底種類都好多，最後我地就揀左Lv2嘅美國Prime Grade 牛肩胛肉再升級海鮮配料任食套餐。湯底選擇都令我地好頭痕，所以最後就揀左個鴛鴦鍋，先嚟好啱我口味嘅藥膳胡椒豬肚雞鍋同埋特濃蕃茄味嘅田園蕃茄牛肉涮涮鍋。兩個湯底都非常足料，而且仲好入味，涮完嘅肉唔洗點額外醬油都已經好夠味。除左兩款主打肉之外，配料選擇都有好多，大大話話都有成70幾款式，包括肉丸類、手工配料、蔬菜、餃類、麵類…等等。每樣食材都好新鮮，而且上菜都好快手，所以唔覺唔覺我地都encore左唔知幾多次。另外加配嘅海鮮都幾驚喜，游水海蝦好彈牙，蜆肉脹卜卜勁鮮甜而且仲冇沙，白鱔片爽口兼冇泥腥味，花膠片同樣唔錯，都好係上上之選。好味不停食。|飲品種類都係選擇同樣多，除左有自家制台式茶飲之外，還有各款汽水、乳酸及茶類飲品。最後仲有一人一杯雪糕作為甜品。唔睇張單都唔發覺我地食左咁多嘢，整個