YAKINIKU KAKURA (新城市廣場一期)

营业中

休息中

首先，我地一行4人，叫左2 set 套餐，分別698元及998元，再散叫2份飯加湯，兩兜生菜，兩杯啤酒，1杯特飲，4人共消費2000多元，由於食物太多，需時燒烤，90分鐘根本係不足夠，但店家未有體諒我地既需要，見我們仍有好多肉未燒，就已出言“提醒”我地只剩半小時，然後係個半小時就不停收拾我地既碗碗碟碟，極似平時返工lunch hour食茶餐廳咁，講真，而家我地4個食2000蚊，人均消費500蚊，唔係俾d茶記服務質素我地呀？ 同埋肉如果係咁滾水淥腳，就算隻肉有幾好，我地都唔識欣賞，由於太過趕趕趕，所以對唔住，我地食唔到d食物質素有幾好，請店家改善一下啦～呢度唔係放題，係俾錢逐碟叫，有冇必要要咁樣趕客呢？如果我地燒完所有食物，坐係度吹水就有必要出聲提醒，但我地仲係冇停過手、冇停過口咁食d肉，又有冇必要係咁催促我地呢？都算係高消費呀～點解要搞到我地食得咁有壓力呢？