韓燒大叔

营业中

休息中

最近收到消息【韓燒大叔】4人同行有超級多優惠，所以就同屋企人去左食啦。晚市120分鐘任食只需$298、另外加$88仲有刺身同啤酒放題！4人同行有抽獎同送原條鰻魚、獎品有醬油蟹、韓牛西冷，而大獎仲可以全單免費！！今次我地就中左韓牛西冷！！食物有超過50種類，包括肉類、海鮮、韓式小食。另外自助區有韓式前菜、蔬菜、飲品、甜品同醬料自己攞。肉類個人最推就係韓牛西冷、同美國/澳洲黑安格斯牛肉全部位啦。韓牛西冷入口即化、肉味香濃。美國同澳洲黑安格斯牛肉全部位都雪花肥瘦相間得好靚。海鮮基本上都好新鮮，個人最退蝦同帶子，好鮮甜。另外刺身都好值得一試，全部新鮮現切。泡菜自家製、而全部熱食都即叫即製，保持熱度同新鮮度。最重要！有大量自選蔬菜及韓國小菜 配搭烤肉一齊食。最後甜品有新鮮窩夫同爆谷，軟雪糕都係任食。