泰.夯蝦 (已結業)

新開張，試一試。原先想食海南雞冷麵，但店員話要上市集買（香工C座4樓）（失望)。同事叫咖喱雞飯，又話無，我同同事中午12點去買午餐，應該吾算太早，但感都未準備齊（我都幾小氣），失望×2。之後同同事都改食海南雞飯，38蚊（平），外賣盒又靚又大，入面嘅餸放得整整齊齊，好吸引，種送兩個小食，又有湯送，所以價錢係實惠，外形好加分。但食物味道就…一般，海南雞飯嘅主角（海南雞）吾夠滑，有小小”齊”，好彩都有啲雞味，個飯就糠糠地，乾身，吾香，得顏色最似油飯，飯量好足夠，兩個小食因為係冷盤，同啲飯放埋一齊會有啲暖，無骨鳳爪同配菜（木瓜），都夠哂辣，但吾夠酸，小食還可以，種食到有魚露嘅味道（配菜），個湯夠哂熱，胡椒味重，算好飲（我鍾意胡椒味），海南雞飯個酸辣汁，係個便當最得嘅味道，總結味道可以，價錢實惠。種叫佐個椰汁芒果糯米飯，半個芒果嘅份量，芒果好甜好好味（時令），糯米飯有啲硬，上面綠豆吾夠香，椰汁無椰汁味，唉！38蚊便當，要求吾好太多，感都值得一試！