影片
相关文章
今日经过荔枝角香港工业中心C座地下，见到有一间泰国美食嘅舖头，虽然舖头唔系大，但嘢食都几齐全，咁我就买咗一盒海南鸡饭，泰式凤爪，芒果糯米饭同泰式奶茶。首先个泰式海南鸡饭都有惊喜，因为佢哋嘅饭系黄姜饭、同配搭咗木瓜沙律同泰式凤爪，一盒入边满足晒几个愿望，而泰式凤爪令我好惊喜因为够酸够辣，真系同我哋喺泰国食嘅一样，同埋糯米饭都几新鲜，而泰式奶茶都唔差唔会太甜，因为系我印象中泰国饮嘅奶茶特别甜，而呢个啱晒香港人口味，呢支奶茶包装好精美，个樽好靓仲要$12好平，大家经过不妨可以试吓👍🏻👍🏻👍🏻
继续阅读
话说今日去咗买外卖一个猪手饭，一个海南鸡饭首先啲员工卫生意识好差，全部都系冇戴口罩咁处理食物一路”不”饭 一路倾偈佢哋啲飞沫就去晒我个外卖到啦！而家疫情都唔注意一下！呢度好扣分讲返价钱先每一份$38包一个𩠌，一份凤爪，一份沙律，一份炸物同埋饭唔包嘢饮感觉上好似好抵！点知一返到屋企打开个外卖！哗！我真系好想讲粗口啲猪脚，啲猪毛系完全冇处理过多毛到呢！我好似咬紧一个胡渣大叔嘅下巴好呕心，我成个外卖掉咗不过我掉之前我影低咗啲猪毛同大家分享吓朋友仔食个海南鸡饭就话冇乜嘢，佢话俾我试一啖，我都唔想试拉呢间野叫做泰式市集，但系唔知道点解OpenRice个名变咗做泰夯虾佢系泰夯虾个老细开的
继续阅读
新开张，试一试。原先想食海南鸡冷面，但店员话要上市集买（香工C座4楼）（失望)。同事叫咖喱鸡饭，又话无，我同同事中午12点去买午餐，应该吾算太早，但感都未准备齐（我都几小气），失望×2。之后同同事都改食海南鸡饭，38蚊（平），外卖盒又靓又大，入面嘅𩠌放得整整齐齐，好吸引，种送两个小食，又有汤送，所以价钱系实惠，外形好加分。但食物味道就…一般，海南鸡饭嘅主角（海南鸡）吾够滑，有小小”齐”，好彩都有啲鸡味，个饭就糠糠地，干身，吾香，得颜色最似油饭，饭量好足够，两个小食因为系冷盘，同啲饭放埋一齐会有啲暖，无骨凤爪同配菜（木瓜），都够哂辣，但吾够酸，小食还可以，种食到有鱼露嘅味道（配菜），个汤够哂热，胡椒味重，算好饮（我钟意胡椒味），海南鸡饭个酸辣汁，系个便当最得嘅味道，总结味道可以，价钱实惠。种叫佐个椰汁芒果糯米饭，半个芒果嘅份量，芒果好甜好好味（时令），糯米饭有啲硬，上面绿豆吾够香，椰汁无椰汁味，唉！38蚊便当，要求吾好太多，感都值得一试！
继续阅读
今日路过香工，见到个好sharp嘅霓虹灯招牌，即刻叮一声啦，原来系新开嘅泰夯虾！呢间只做外卖，有3款船面同5款便当，只系$38咋！正值lunch time时间，开始多人排队，我都唔执输买个海南鸡饭先！等候都要啲时间，最搞笑系用哂大胶袋，要用细袋袋住汤同餐具，盒饭就要就咁托住新开张都好好生意㖞好彩个便当盒好硬净，唔怕入尘同跌哂啲𩠌。重点系食物啦，我盒海南鸡饭好大盒黄姜饭，仲暖笠笠，鸡脾又多肉又滑，无骨泰式酸辣凤爪够辣又入味$38 性价比好高呀！唔怪得咁多人排队啦正！
继续阅读