影片
更多
2025-06-07
898 浏览
銅鑼灣Savor Kitchen最近出咗個新餐牌，聽到風聲話好有驚喜，我第一時間衝去試！🦀 開胃菜：法國風情 x 港式驚喜！🇫🇷🇭🇰香草牛油帶子，帶子煎得啱啱好，外層微焦，入面仲好Juicy，配埋嗰啲香草牛油同焦糖蘋果米，甜甜地又帶點清新，完全唔會蓋過帶子嘅鮮味，好有法式Fine Dining嘅感覺。🦞 湯品：法式龍蝦湯：個湯底夠晒濃郁，啖啖都係龍蝦嘅鮮味，飲落去個口腔充滿晒香氣，感覺成個人都暖晒。佢哋做到個湯又滑又creamy，但又唔會話過分濃稠，真係飲得出廚師嘅功力。🍝 意粉：手拆蟹肉長通粉：長通粉口感Al Dente，煙韌得嚟又掛汁。蟹肉都幾多，唔係碎濕濕嗰種，食落啖啖都係鮮甜嘅蟹肉味。最驚喜係佢用咗Lardo（義式豬油），加埋啲蒜同Chives，食落好香好creamy，但又唔會油膩，將個蟹肉嘅鮮味推到極致，真係好高章！🥩 主菜：廚師精選炭燒牛扒：佢哋今日係用澳洲M3和牛，呢塊M3和牛炭燒到外層焦香，入面仲保持到粉嫩嘅肉質，入口即溶，充滿晒和牛獨有嘅油香，但又唔會膩。配埋佢哋個Curly Kale、Shallot Puree同埋松露牛肉汁，個汁嘅味道好濃郁，點少得埋佢哋自家製嘅黑
銅鑼灣Savor Kitchen最近出咗個新餐牌，聽到風聲話好有驚喜，我第一時間衝去試！
🦀 開胃菜：法國風情 x 港式驚喜！🇫🇷🇭🇰
香草牛油帶子，帶子煎得啱啱好，外層微焦，入面仲好Juicy，配埋嗰啲香草牛油同焦糖蘋果米，甜甜地又帶點清新，完全唔會蓋過帶子嘅鮮味，好有法式Fine Dining嘅感覺。
🦞 湯品：
法式龍蝦湯：個湯底夠晒濃郁，啖啖都係龍蝦嘅鮮味，飲落去個口腔充滿晒香氣，感覺成個人都暖晒。佢哋做到個湯又滑又creamy，但又唔會話過分濃稠，真係飲得出廚師嘅功力。
🍝 意粉：
手拆蟹肉長通粉：長通粉口感Al Dente，煙韌得嚟又掛汁。蟹肉都幾多，唔係碎濕濕嗰種，食落啖啖都係鮮甜嘅蟹肉味。最驚喜係佢用咗Lardo（義式豬油），加埋啲蒜同Chives，食落好香好creamy，但又唔會油膩，將個蟹肉嘅鮮味推到極致，真係好高章！
🥩 主菜：
廚師精選炭燒牛扒：佢哋今日係用澳洲M3和牛，呢塊M3和牛炭燒到外層焦香，入面仲保持到粉嫩嘅肉質，入口即溶，充滿晒和牛獨有嘅油香，但又唔會膩。配埋佢哋個Curly Kale、Shallot Puree同埋松露牛肉汁，個汁嘅味道好濃郁，點少得埋佢哋自家製嘅黑蒜，為成道菜增添咗一份獨特嘅香氣，真係食得出大廚嘅心思同功架！👍
🍮 甜品：
芒果芭菲配椰奶雪葩：芒果味濃郁，配埋清甜嘅椰奶雪葩，口感豐富，唔會太甜，食完感覺好Fresh，啱晒夏天！
张贴
