影片
更多
2017-08-07
1163 浏览
老老實實！其實我係大自然素食既舊員工，不過亦離左職好多年，但多年黎我都經常返去幫襯食野，呢輪年都好少去食，撞岩今日十五，相約好朋友去食下午茶，睇下佢地水準有無變到先😎幸好仍然都係咁好味道😋今朝我就打電話去Book左3:00下午茶時段，去到當然已經有好多人企響門口等入座，入座後我就迅速落單點野食前菜：大豆芽菜+玄米茶1-牛油果多士2-加州風卷3-沙嗲羊肉串4-雞絲粉皮5-柚子田園沙律6-薑蓉有機豆苗7-南瓜翅+磨菇湯呢餐下午菜連埋小費都只係$330，比正價平左好多架😂兩個人3點食到5點真係飽到上心口另外覺得現時的樓面完全唔識點向客人sale食品，客人問某種食物係用乜黎整，佢地完全唔識答，真係一句唔知就打發客人，記得以前在職時，因食店係包食的，當時的伙食我地都係由餐牌內點出黎廚房煮，直頭當係客人咁煮比員工食，因為當年其中一位老闆話，咁樣煮比記食過，自然就會記得什麼餸菜用什麼汁醬，煮法，什至食物係用咩制做，起碼識得同客人對答，但我眼見如今既員工，大多都係一問三唔知，有時同朋友去食，都會問我食咩好？大多數都係由我發板，就連隔離枱聽到都會問埋一份，我個人認為員工有需要清楚了解一下自己公司既食品味
今朝我就打電話去Book左3:00下午茶時段，去到當然已經有好多人企響門口等入座，入座後我就迅速落單點野食
前菜：大豆芽菜+玄米茶
1-牛油果多士
2-加州風卷
3-沙嗲羊肉串
4-雞絲粉皮
5-柚子田園沙律
6-薑蓉有機豆苗
7-南瓜翅+磨菇湯
呢餐下午菜連埋小費都只係$330，比正價平左好多架😂
兩個人3點食到5點真係飽到上心口
另外覺得現時的樓面完全唔識點向客人sale食品，客人問某種食物係用乜黎整，佢地完全唔識答，真係一句唔知就打發客人，記得以前在職時，因食店係包食的，當時的伙食我地都係由餐牌內點出黎廚房煮，直頭當係客人咁煮比員工食，因為當年其中一位老闆話，咁樣煮比記食過，自然就會記得什麼餸菜用什麼汁醬，煮法，什至食物係用咩制做，起碼識得同客人對答，但我眼見如今既員工，大多都係一問三唔知，有時同朋友去食，都會問我食咩好？大多數都係由我發板，就連隔離枱聽到都會問埋一份，我個人認為員工有需要清楚了解一下自己公司既食品味道，食料等等，難道次次都用【唔知道/唔清楚】就咁走左去唔理客人？😅
老闆禾哥見到呢個食評【有怪莫怪】呀！我都係以食客角度去講咋😅
15 浏览
0 赞好
0 留言
张贴
