影片
更多
2023-06-07
52 浏览
其實旺區礙於租金成本問題，試了好幾次廚師發板料理都中伏🥲，但老公又知我鐘意食，經朋友介紹一間高質素餐廳，首先地點已經加分，正正一出銅鑼灣地鐵站c出口過對面馬路就到。餐廳雖小，但環境簡潔雅致。進入餐廳時，師父們已經很友善打招呼詢問有冇食物敏感。(有時去呢d餐廳，師父大多都好有型好有款嫁麻😆）隨即已準備好配菜及第一道開胃菜-沖繩水雲配松葉蟹用左柚子酸汁調味，味道酸酸地，水雲彈牙食落味道清爽。-原條海饅魚苗每條是完整足足有筷子咁長，魚仔bb已長出軟骨同埋有眼仔，魚仔咸咸地冇腥味，口感滑溜溜，似食蒟蒻麵。-薄切九州間白魚海膽豆腐卷（靚）外觀好靚（喜歡）上面加左辣椒蘿蔔蓉及食用花，見到都好開心。間白魚魚身有光澤，口感爽口再卷住海膽製成嘅豆腐，豆腐入口柔滑。除咗食到濃郁豆味但也食到濃濃海膽香味。-鹽麴喜知次用鹽麴醃製嘅喜知次肉質結實，連魚皮食得，師父話只有少量刺身魚可連皮食，味道咸鮮分明，魚肉入味越咀嚼越有味。-龍蝦刺身上面鋪滿一層馬糞海膽加少許魚子醬，龍蝦刺身下面鋪上一片紫蘇葉，顏色豐富。味道香醇鮮美，龍蝦肉不是想像中煙韌而家爽口一咬就分開。-富山灣螢光魷魚配特制薑汁醬油，師父話春天季節必食，要
進入餐廳時，師父們已經很友善打招呼詢問有冇食物敏感。(有時去呢d餐廳，師父大多都好有型好有款嫁麻😆）
隨即已準備好配菜及第一道開胃菜-沖繩水雲配松葉蟹
用左柚子酸汁調味，味道酸酸地，水雲彈牙食落味道清爽。
-原條海饅魚苗每條是完整足足有筷子咁長，魚仔bb已長出軟骨同埋有眼仔，魚仔咸咸地冇腥味，口感滑溜溜，似食蒟蒻麵。
-薄切九州間白魚海膽豆腐卷（靚）外觀好靚（喜歡）上面加左辣椒蘿蔔蓉及食用花，見到都好開心。間白魚魚身有光澤，口感爽口再卷住海膽製成嘅豆腐，豆腐入口柔滑。除咗食到濃郁豆味但也食到濃濃海膽香味。
-鹽麴喜知次用鹽麴醃製嘅喜知次肉質結實，連魚皮食得，師父話只有少量刺身魚可連皮食，味道咸鮮分明，魚肉入味越咀嚼越有味。
-龍蝦刺身上面鋪滿一層馬糞海膽加少許魚子醬，龍蝦刺身下面鋪上一片紫蘇葉，顏色豐富。
味道香醇鮮美，龍蝦肉不是想像中煙韌而家爽口一咬就分開。
-富山灣螢光魷魚配特制薑汁醬油，師父話春天季節必食，要啱時令先捕獲得到。細細條原條食，鮮味可口，肉身多汁煙韌。
-北海道大溝貝貝類刺身配酸柑汁，大溝貝肉質以鮮甜帶彈性聞名，鮮味濃郁肉質柔軟，味道有點似聖子加象拔蚌咁鮮！
-八角魚手握壽司配酸汁魚頭呈八角已聞名，淡淡的粉紅色肉身，口感清甜，入口有淡淡魚香味。
-厚切活赤貝新鮮赤貝刺身外表呈橙紅色、有光澤，花紋明顯，食落肉質爽厚，鮮味十足，很鮮美。
-火炙北海道銀鱈魚刺身
師父話這是唯一可生食的品種，上面鋪滿日本炸蒜。師父專登火炙完再等數分鐘先上菜，原因係畀佢唞一唞出咗啲魚油出嚟。
火炙完個下，成個場都聞到魚油香味。入口即溶，滿滿魚油，但油而不膩，食完口腔重陣陣煙燻香味。
-松葉蟹蟹膏豆腐豆腐用松葉蟹製作，加上黑魚子做點綴。豆腐濃郁厚實。魚子及豆腐一齊食，有不同口感味道層次，脆脆咸咸嘅魚子味引發左蟹膏嘅濃濃鮮味。
-汁煮磯粒貝即係汁煮螺，炆煮嘅醬汁鹹甜適中，淆製出嘅海螺入味。入口不會太煙韌，口感十足。
-醉牡丹蝦刺身又一賣相精緻的一道菜。師父提醒記得連蝦膏一齊食，勁粗大嘅牡丹蝦刺身肉質肥美，以花雕酒為佐料，酒香濃蝦味鮮。酒香不會搶風頭，配得恰到好處，口感很滿足。
-日本第一之「華漣」真蠔配醋啫喱生蠔外殼微微的金黃色，肉厚肥美結實，口感獨特, 如絲絨般細滑，口感層次感豐富，鮮甜香濃。
-白劍貝刺身 即係白象拔蚌，師父話因為在優質水質中成長，肉質口感皆為上乘、生食最能體驗其美味。係眾多貝類海產中，象拔蚌的味道可算最為濃厚，鮮活的白象拔蚌味道鮮甜，口感爽脆利落。比加拿大象拔蚌小，但係再鮮甜
一點，會越食越甜（真係嫁！）師父再講，象拔蚌級數黎講已經係數一數二（稍稍僅次於黑象拔蚌）。
-沖繩花海老即係花竹蝦，師父先焯蝦肉1成熟，塗上新鮮柚子皮製成嘅汁。首先食蝦，蝦肉紋理分明，肉質結實彈牙，再食酥炸蝦腳，蝦味濃度再加一級。
-火炙北海道喜知次刺身稱海中寶石的喜知次刺身，唔駛多講，魚油重，入口香味四溢。
-馬糞海膽配赤身即係用左吞拿魚的魚背，不含油脂部位。紅紅的肉色效上微辣嘅蘿蔔苗及漂亮嘅金箔，色彩繽紛。赤身肉質實、有咬口配合絲順的馬糞海膽，口感層次有對比。
-慢煮藍青鮑魚使用蟹膏麵豉混和慢煮4小時的原隻藍青鮑魚。鮑魚肉厚鮮嫩，淋滑不韌，超級軟熟入味，每口都有蟹膏同鮑魚嘅鮮味。
-打卡位！原隻紫海膽配鰹魚高湯啫喱高腳嘅雞尾酒杯盛載原粒紫海膽，上面加上晶瑩鰹魚高湯啫喱及魚子醬三文魚籽粒粒漲卜卜，，’酥脆可口
-香魚bb食落魚他肚同頭甘味，成條魚酥炸上面再加岩鹽。整條都可以食，外脆內軟，骨酥肉嫩。
-雪花拖羅 呢個雪花拖羅近魚餃位置，冇筋油脂分佈絲滑質感更高，入口即刻溶化左。
師父強烈建議即刻擺入口，唔好相機食先喇😆
-白海膽整晚壓軸出場，最甘甜嘅白海膽，下面用燒雪魚乾墊底。口感好滿足，海膽味衝擊味蕾，我只食到鮮甜味同鱈魚油香。
-醋啫喱紫蘇花配毛蟹肉食之前先混合醋啫喱同紫蘇花先再擺入口。紫蘇葉食得多紫蘇花嘅香味更突出
蟹。
-烏魚白子熱清湯香菇‘舞茸菇三頁，豆腐口感
-玉子布甸其實蛋香十足 但海鮮太新鮮比下去
-雪糕
‘士多啤梨天婦羅沛然及煉奶，暖
’海鹽雪糕配黑糖糖漿，雪葩質地，軟滑口感
香味四溢。
觸覺：粗粗的、光滑柔順、質地輕柔、濕濕黏黏
张贴
