影片
更多
2022-07-05
457 浏览
朋友知道我好鍾意食日本🇯🇵料理，每有高質素嘅日本🇯🇵餐廳，佢都會通知我，或者叫埋我一齊去，呢日佢就請我去呢間日本🇯🇵餐廳，話我一定會鍾意😋，有好介紹，咁我就梗係一於奉陪啦😆叫咗 $1480 一位嘅「Omakase Set 逸 おまかせ 逸：有さしみSashimi、酒肴おつまみ Otsumami、握り寿司Sushi （全25品Total 25 Kinds）、汁物とデザート付き」😋總括嚟講，呢度嘅食物真係相當美味，充滿 umami，廚師亦都好注重細節，例如會在不同海產上輕鎅幾刀🔪提升肉質口感，又會加入不同配料令味道層次更豐富等，而 presentation 亦都靚靚🤩25品正式開始🤩😆😋- 蕃茄・水果啫喱・岩鹽：清新、簡單、開胃😋- 沖繩水雲：係沖繩嘅一種海草，爽口鮮味，上邊仲加咗啲蟹肉😋- 水母頭 刺身：クラゲの頭，爽口味鮮😋- 北海道粒貝：爽口帶輕微海水味，ツブ貝 又名粒貝，產自北海道，全年盛產😋- 海膽豆腐：加咗海膽做嘅豆腐，又香又滑，上邊再放新鮮海膽同埋少少魚子醬😋- 燒帶子：帶子輕輕燒過上面再加咗啲七味粉，用紫菜包住食，好惹味😄- 龍蝦🦞刺身：ロブスター刺身，味道鮮甜得來帶點內斂
叫咗 $1480 一位嘅「Omakase Set 逸 おまかせ 逸：有さしみSashimi、酒肴おつまみ Otsumami、握り寿司Sushi （全25品Total 25 Kinds）、汁物とデザート付き」😋
總括嚟講，呢度嘅食物真係相當美味，充滿 umami，廚師亦都好注重細節，例如會在不同海產上輕鎅幾刀🔪提升肉質口感，又會加入不同配料令味道層次更豐富等，而 presentation 亦都靚靚🤩
25品正式開始🤩😆😋
- 蕃茄・水果啫喱・岩鹽：清新、簡單、開胃😋
- 沖繩水雲：係沖繩嘅一種海草，爽口鮮味，上邊仲加咗啲蟹肉😋
- 水母頭 刺身：クラゲの頭，爽口味鮮😋
- 北海道粒貝：爽口帶輕微海水味，ツブ貝 又名粒貝，產自北海道，全年盛產😋
- 海膽豆腐：加咗海膽做嘅豆腐，又香又滑，上邊再放新鮮海膽同埋少少魚子醬😋
- 燒帶子：帶子輕輕燒過上面再加咗啲七味粉，用紫菜包住食，好惹味😄
- 龍蝦🦞刺身：ロブスター刺身，味道鮮甜得來帶點內斂，適宜慢慢咀嚼欣賞😋
- 左口魚壽司🍣：用磯之雪昆布包住左口魚，味清甜😋
- 活赤背壽司🍣：超新鮮、爽脆😋
- 赤龍🍣：輕輕用火槍燒過，有油甘香😋
- 新鮮腐皮：有清香嘅黃豆味，上邊仲加咗 三文魚子😋
- 象拔蚌：爽口😋
- 牡丹蝦刺身🦐：蝦肉新鮮結實，仲加咗鮮蝦膏喺上邊，更加滋味😋
- 兵庫縣 岩蠔🦪：兵庫県一邊係日本海一邊係瀨戶內海，其實海產非常豐富，而產出牡蠣喺日本🇯🇵都算幾有名，仲一年四季都有；呢個岩蠔🦪非常鮮味，仲有啲 creamy, 食緊嘅時候有啲喺海洋嘅感覺😆
- 葉血引壽司：ハチビキ 葉血引係海水魚，生長喺 65 至 300 米深嘅深海 礁區，喺日本🇯🇵貨量小但係價錢唔貴🤩；魚肉深紅色，味濃😋
- 北寄貝壽司🍣
- 喜知次壽司🍣：キチジ（喜知次、吉次、黄血魚）：都係輕輕用火槍燒過，鮮甜😋
- 吞拿魚🐟醬油漬：吞拿魚🐟用醬油漬過味道特別濃郁，中間仲包咗海膽，味道更添層次😋
- 岩手県雲丹：2011年岩手県受海嘯襲擊，漁業大受打擊，漁民經過好幾年嘅艱辛努力，克服無數困難，慢慢令產量恢復、漁產質素上升亦達到安全標準，當中有好多非常感人嘅故事 … 所以岩手県產出嘅海產我都非常支持！呢度嘅雲丹味清又鮮甜，中間仲加咗用高湯 だし做嘅啫喱，同埋三文魚子，成個組合非常好味😋
- 南非🇿🇦鮑魚 あわび：慢煮咗四個小時，有啲咬頭，好味😋
- 大拖羅 大トロ寿司🍣：味道濃郁入口幾乎溶化😋
- 紅蟹：蟹肉🦀拆晒出嚟，加埋少少飯，好夾😋
- 香魚：アユ，又叫鮎魚或銀口魚，新鮮、香口、炸完之後好立體，條魚好似企咗喺度😋😆
- 北海道白海膽：北海道白いうに：顏色淡黃，有優雅又清淡嘅甜味；下邊仲有一塊脆卜卜嘅紫菜😋
- 玉子布丁🍮
- 龍蝦湯🦞
- 杏仁豆腐雪糕🍨：唔係好甜，味道清新，有淡淡嘅杏仁香味😋
张贴
