Tipsy Tap (已結業)

尖沙咀有好多酒吧，但我鍾情於精釀啤酒，一入Tipsy Tap門口， 一排排 Tap映入眼簾，未飲先興奮。呢度環境有如小酒館嘅感覺，可以聽住歌慢慢坐，舒舒服服咁樣品嚐美味。🍺京A The Airprocalypse 做咗功課先揀呢一款，事關佢拎過國際啤酒大獎，點都有保證。聞落去有酒花香，口感濃郁有層次，後段回甘味重，男友好鍾意！🍺Paper plane surfing oranges 呢款相較之下味道較為平淡，隱隱滲出橙香味，酒精濃度低，好易入口。送酒嘅小食，每樣都即叫即整，熱騰騰咁送入口，再呷一下酒，就係最幸福嘅星期六晚上。🤍焗田螺配薯泥荷蘭醬🤍Tipsy雞翼配藍芝士醬🤍芝士蟹肉釀蘑菇🤍美式香辣薯條叫嘅呢四款小食賣相精緻，質素一啲都唔馬虎，令我諗起西班牙Tapas。田螺同蘑菇係放係鐵板上，每粒都juicy 而且芝士味濃；雞翼肉質嫩滑，藍芝士醬剛好中和咗佢嘅辣度；薯條炸得夠脆口，辣粉唔多，唔夠嘅可以沾蕃茄醬。