漁獲浜燒 (已結業)

終於同老友去呢間收藏左好耐嘅日本野，位於#銅鑼灣 #漁獲浜燒，食完真心覺得好正啊👍。第一時間先點左支醉樂無極#大吟釀 🍶，入口順喉酒感輕柔，後勁有淡雅辛口感，邊飲邊食邊吹水，極之爽YY😊。 先食刺身盛盒5款，有我至喜歡的牡丹蝦同油甘魚😙，肥美的三文魚，人見人愛入口即化的拖羅，同點到你唔食嘅新鮮馬糞海膽。款款都新鮮厚切，非常鮮甜令人回味無窮。魚獲浜燒盛盒，見到即時心心眼😍，海鮮款款都新鮮，擺盤又美美的。之後店員會燒埋比我哋食，可以坐定定等食😉。珍寶大蝦🍤成隻碟咁長，上碟己聞到香噴噴的燒蝦香味，美味彈牙。生蠔🦪燒完仲脹卜卜很飽滿，松葉蟹肉質鮮嫩，鮑魚鮮甜爽口，點埋柚子醬更加可口。最後出場超大隻的帆立貝，一隻用了牛油燒出，惹味香口，另一隻則用了芝士燒，芝士勁拉絲，真係滋味無窮😋。要食澱粉質的老友，點了🦀️蟹肉黃金海膽炒飯，真係不得了，海膽鮮味，飯炒得粒粒分明，再有蟹肉同蔥花搭配下，更顯美味。甜品要了蘋果雪芭跟菠蘿雪芭，由日本直送嘅雪芭確不同，消暑又清新，真係食唔停😋。