鮨三川 (已結業)

無得去日本，又難得星期五放假，特別搵一間Omakase同屋企人食。之前個busket list有鮨三川，一於試一試。午餐有四款，由$328起，揀咗$398的lunch set，有12件手握壽司、沙律、茶碗蒸、濃湯烏冬、甜品。鍾意食Omakase係因廚師會按時令、當日到貨的漁鮮而提供壽司，通常都會有驚喜。壽司由淡味食到濃味，率先送上新鮮沙律，再食埋滑溜又有蛋香，仲內藏蟹肉的黑松露茶碗蒸，隨後正式開始12款壽司之旅。沙律和黑松露茶碗蒸細細份沙律好開胃；茶碗蒸打開蓋聞到黑松露香氣，裡面仲有蟹肉添。鱸魚白身魚率先登場，較為淡身，面層掃上一層帶酸的啫喱，令大家先開胃。九州真鯛有用熱水灼過魚皮，令其更爽脆，配一點紫菜醬增加味道層次。帆立貝灑上少許竹炭鹽代替醬油，好鮮甜，而師傅仲會拍一拍帆立貝肉，令其收縮，入口更爽。間白魚口感較爽，醬油外還放上帶少許辣的山葵莖。鰆魚冬天進入產季的鰆魚，師傅特別燒一燒皮，入口充滿油香，配帶薑味的食用花同吃。三文魚籽於壽司上灑少許岩鹽，配上醬油的甜和三文魚籽本身的鮮味，好滿足。煙薰鰹魚魚味會較重，帶煙薰香氣，用上柚子胡椒、食用菊花。鯖魚魚肉充滿油脂，放上蔥、芝麻，能平衡