黑門水產すいさん (棉登徑)

終於食到想試好耐既黑門水產すいさん，餐廳裝潢極具特色，令人仿如置身日本居酒屋。餐牌選擇甚多，有刺身、壽司、浜燒、貝燒、一品料理等等。刺身6盛有三文魚、油甘魚、赤身、真鯛、海膽及帆立貝，件件新鮮肥美，厚切食落啖啖肉勁滋味。最愛海膽，質感細膩，味道甘甜，入口即溶。赤鬼海老天反卷炸蝦天婦羅外脆內鮮甜，口感極酥脆，面頭有清脆蟹籽同光澤亮麗、鮮美十足三文魚籽。赤鬼蟹味噌甲羅燒蟹蓋內放滿蟹膏、蟹肉、蟹籽等，特別加入明太子醬，提升味道層次。配以無限添加梳打餅一同食用，鹹香鮮味，每啖都濃濃甘甜，好滋味。蟹油蒜燒帆立貝味道香濃，充滿蟹油蒜香，帆立貝厚實有嚼勁，裙邊爽口煙韌，加上青辣椒好惹味。黑門帆立貝伴魚籽醬大大粒帆立貝肥厚鮮爽帶甜，配上鮮美黑魚籽、同海膽，再用紫菜包住食，層次極豐富。黑門令大漁魚子醬脆脆包香脆法包上放滿吞拿魚蓉、海膽、蟹肉、蟹膏、三文魚籽、黑魚籽，每一啖都鮮味十足，滋味無窮，必點菜式之一！白桃汁入口香甜香氣四溢，冰鎮口感極佳。巨峰乳酸甜度剛好，酸甜清新甚為開胃。