芝加哥串燒 (美豐花園) (已結業)

Dragon BBQ Bar唔會好大間，所以令我印象最深刻嘅，就係佢嘅職員服務得非常好。我哋今晚兩個人去食晚餐，叫左支冰凍黑啤，Happy Hour計都係$33支，幾抵。前菜來一份忌廉燒雞翼，雞翼裏面有非常Creamy嘅忌廉，而且雞翼嘅外層燒得好脆，好好食。之後我哋叫咗兩份晚餐，一份係德國豬手拼薯條，薯條係新鮮炸嘅，豬手就焗得外層嘅皮非常脆，乾身，有口感，豬入邊嘅肥膏就幾重下，所以一定係要送酒一齊食，如果單獨食豬手會幾滯下。之後我再叫咗一個Prime牛小排配燒菠蘿要配薯菜。牛小排嘅肉身比較嫩滑，肥膏同埋牛肉嘅比例較豬手好，餐廳特別用心咁樣配埋燒菠蘿🍍，可以解一解油膩感。