影片
更多
2019-12-28
142 浏览
店內座位唔算多，假日晚大約六點半入座，坐定無耐已經陸陸續續有唔少客人入座，七點多啲店外已經要等位。除左堂食之外，見到有5、6個外賣送遞員係門口等餐，我地特登search下，見到呢間餐廳仲會提供丼飯外賣，雖然冇石燒肉外賣，不過丼飯選擇多，而且仲平過堂食，都幾吸引下。不過要注意餐廳出餐比較慢，見到幾個外賣員多次輪流入嚟問進度，得到嘅答案都係「要再等耐啲」，甚至有外賣員索性棄單，所以好肚餓嘅話就要再諗諗係咪食呢間喇。封門柳10片套餐（HKD188）店員推介的肉，較少肥肉，肉嫩。點燒肉醬送飯一流。牛小排10片套餐（HKD148）頗多肥肉。因為唔想食太肥，所以特登燒耐啲，想逼走多啲油先，但咁樣啲肉又會熟得濟，變到有渣；個人唔太推薦。.石板上檯時，店員示範用附加嘅肥肉煎啲油出黎，防止牛肉痴底。唔知係咪油多嘅關係，火非常之大，燒肉嘅時候一唔小心會辣到手，不過相對地火種都會快啲用完，成餐總共換左兩次火種，都幾麻煩下。惠顧兩個10片set可以送一個小食，我地揀左追加封門柳5片，如果唔加嘅話，10片set應該就唔係好夠食喇。跟餐除左有白飯之外，仲會有麵豉湯，我同男朋友都唔太鐘意飲麵豉湯，所以淨係要左一個試
除左堂食之外，見到有5、6個外賣送遞員係門口等餐，我地特登search下，見到呢間餐廳仲會提供丼飯外賣，雖然冇石燒肉外賣，不過丼飯選擇多，而且仲平過堂食，都幾吸引下。
不過要注意餐廳出餐比較慢，見到幾個外賣員多次輪流入嚟問進度，得到嘅答案都係「要再等耐啲」，甚至有外賣員索性棄單，所以好肚餓嘅話就要再諗諗係咪食呢間喇。
封門柳、牛小排
5 浏览
0 赞好
0 留言
封門柳10片套餐（HKD188）
店員推介的肉，較少肥肉，肉嫩。點燒肉醬送飯一流。
牛小排10片套餐（HKD148）
頗多肥肉。因為唔想食太肥，所以特登燒耐啲，想逼走多啲油先，但咁樣啲肉又會熟得濟，變到有渣；個人唔太推薦。
.
石板上檯時，店員示範用附加嘅肥肉煎啲油出黎，防止牛肉痴底。唔知係咪油多嘅關係，火非常之大，燒肉嘅時候一唔小心會辣到手，不過相對地火種都會快啲用完，成餐總共換左兩次火種，都幾麻煩下。
惠顧兩個10片set可以送一個小食，我地揀左追加封門柳5片，如果唔加嘅話，10片set應該就唔係好夠食喇。
跟餐除左有白飯之外，仲會有麵豉湯，我同男朋友都唔太鐘意飲麵豉湯，所以淨係要左一個試下味。麵豉湯比起一般飲到嘅濃郁好多，料方面有海帶就冇豆腐。如果鐘意飲麵豉湯嘅話應該會好滿意。
溏心蛋
$8
1 浏览
0 赞好
0 留言
溏心蛋（+HKD8）
溏心蛋熟度岩岩好，配白飯好好味。
张贴
