影片
D嘢都新鲜，一个炉，几特别。但系令人唔愉快嘅喺，啱食完烧肉，未饮晒杯嘢，D侍应已经喷紧清洁剂抹台。当时就只有一两围台客喺度。都唔明点解好似赶客咁，希望可以改善啦！
继续阅读
有次满心期待同屋企人夜晚去吃呢间烤肉店，叫左餐牌内最贵嘅二人餐，点知d肉系黑黑地色的(明显的唔新鲜)😱我心lum:算啦，呢间试一次就算。不过屋企人实在食唔落，同左店员耐性反映(因为餐厅都有其他食客，唔想影响人地生意，所以都系好细细声同店员反映，希望可以更换一碟肉)，点知更离谱嘅系，个店员只系反转肉面，卑翻同一碟黑肉黎 真系黎晒大谱! 🧐🧐🧐🧐🧐最后，我地直接成碟肉原封不动放在台面。个店员仲话卑张积分卡我地，希望我地下次再黎wor, 真系唔知讲咩好。 gum难低质嘅烧肉店都系第一次见。
继续阅读
套餐包一款肉+小食+汤+饭+饮品饮品仲要冷热同价 超丰富超抵食👍🏼叫左两个餐 小食叫左唐扬炸鸡同八爪鱼丸晒左d五香粉都几惹味 唔错汤系面豉汤 正常味道～板烧吉列牛 ($88)有七块 个纹路都几靓虽然出面层炸粉唔脆烧番香都好食本身冇咩味 沾个烧肉酱都ok👌🏼板烧美国封门柳 ($98)有六块 肉质唔差 唔会好韧都有少少牛味 个饭有饭素配埋一齐都几好食成个餐咁丰富 坚抵食！
继续阅读
📍炻板烧 (屯门)屯门屯门乡事会路112-140号雅都花园商场地下G10A号舖牛味指数：❤️❤️❤️小编今次黎到屯门呢间专门牛嘅石板烧嘅小店 虽然地方对距离住九龙嘅我系远左小小 但交通好方便 地铁站一出 行4-5分钟就到 中意食牛嘅你地不妨来试试！☺️- 板烧吉列牛🥩烧个下滋滋声 已经有好香嘅牛味💨 增加左我唔小食欲 不过唔好介意 味道比香味逊色少少 可能系因为太香 令我期望太过 但整体上生食同烧食我都试过 都系好食格！睇佢啲油花咁靓就知啦～😝大家要食嘅话 记得晏就过黎呀 因为lunch set好抵食格 正😋🥢
继续阅读
本身住大埔，但每年拜仙人都会有入屯门，唔系地胆，所以上网揾下有咩食，见呢间烧肉咁多like,个烧炉又几得意，就拣左佢。揾地图再发现原来搬左就之后搭一个站轻铁到建生，行5分钟就到，入到去发现乜油烟味，几好😆我地一家四口叫左烧牛肉配饭；牛肉好新鲜，个炉仔好得意，细细个，又唔太油烟，正！吉列猪扒蛋饭；系我钟意嘅湿蛋😊好好捞饭，吉列猪扒火喉啱啱好，外脆内软✌🏻杂菜乌冬；可能姐姐知我个女唔食肉，专登比多d菜同粟米佢，个汤底好好饮，我个女好细食少都清哂。鳗鱼蛋饭;条鳗鱼系肥美𠮶种，亦无烧到干柴烈火，值得赞👍🏻良心小店，再经由屯门一定会再帮衬☺️👍🏻
继续阅读