馬祖台灣養生湯麵館 (留仙街) (已結業)

之前試過中環個間，食過番尋味，然後發現天后都有間，仲要唔同餐牌，多d選擇，一於過黎試下！間野距離地鐵站好近，一分鐘就到。午市都幾多人，不過唔洗等位。我地叫左兩個set lunch加一份小食。椰子雞湯米線好清新，椰子味得黎又唔會過份濃，味道岩岩好，同個雞好夾，鹹得黎又帶點清甜。花膠醉雞飯成功地灌醉我個胃，好香濃既花雕酒味，仲比左兩舊大花膠，啖啖骨膠原，好養生。滷水豬大腸好入味，洗得好乾淨，唔會帶內臟既臭味，幾新鮮。不過同中環個間一樣，如果米線可以無咁碎就更加好，因為本人比較中意食長而細既米線哈哈。最後想講野飲都好出色，柑桔檸檬酸酸甜甜好開胃，朱古力好香濃，呢一餐夠哂養生！