六両三 (已結業)

一直以來對台灣菜都情有獨鍾。尋日同友人黎到呢間，我地一人叫左一碗牛肉麵，加一碟小食一齊share。我叫個碗係最basic既紅燒牛肉麵，牛肉好lum，好易咬開，湯底佢自稱係無味精，我都幾認同，因為食完唔會好口渴，令人想飲埋D湯。雖然望落去唔大碗，但食完會好飽。麵條好有咀嚼感，幾彈牙，唔知係唔係手打呢。另外叫左碟百頁豆腐，幾得意，咬落去有D似魚蛋，又有D似玉子豆腐，值得一試。順帶一提，夜晚7點幾去都幾多人，要排隊，建議早少少去拎位。