街坊Cafe (已結業)

喺附近啱啱行完街，就同朋友周圍搵嘢食。見到呢一間餐廳其實都幾多食評，而且又有位，咁就入嚟試吓啦。入到黎嘅時候見到隔離枱叫咗呢一個意粉，好似好好味，於是我哋又跟下佢機，叫咗呢一個明太子鮮蝦牛油果意粉。我就鍾意飲咖啡嘅所以嘢飲就叫咗一個伯爵茶鮮奶咖啡。似乎呢度都主打可以食鐵板燒嘅牛扒，下次有機會可以試吓，今次就試住意粉先。個意粉上到嚟，其實有少少份量細咗啲。而且佢個名叫明太子牛油果意粉，我會覺得明太子同牛油果都係佢嘅主打，但係似乎明太子就有，牛油果就得幾粒。綠色嗰啲其實有啲係翠玉瓜嚟㗎，所以非常建議佢啲牛油果份量可以多啲😹不過其實個意粉呢都幾好嘅嗰醬同個意粉幾夾😻