華香雞 (已結業)

記得小時候經常跟家人到旺角的<華香雞>點沙薑雞及小菜，後來全線結業實在教人婉惜。上次行經成運工廈見到<華香雞>開分店，當然要重拾一下兒時味道～呢度既雞有好多配搭，除左招牌華香雞、沙薑雞，仲有仁棯雞、茶香雞等等，我地點了黃酒雞滋補一下。店主特別訂制既＂煲＂，看似一個碟但原來放在木盆上具有保溫功能。上檯時仲係沸騰狀態，散發出陣陣酒香，雞既味道非常吸引經常手腳冰冷既我，先飲兩口雞汁精華雞肉嫩滑，配上金針木耳，有養血補虛之效，加上黃酒更暖胃。本來只點白飯，不過見鄰桌既一"煲"飯幾吸引，就試左煎黃飯煲其實感覺有點似煲仔飯，店員先用小鐵鏟炒鬆黃飯，底下既飯焦脆口且帶焦香~ 店員本來推介滑蛋蠔仔，不過食左雙蛋早餐怕超標，所以點左薑蔥蠔仔，鑊氣十足，蠔仔脹卜卜且鮮甜，沒半點腥味～另外清湯牛腩煲分量都唔少。牛筋夠淋身，牛腩唔韌唔騷，味道剛好品嘗到本身嘅肉鮮味，係唔錯既選擇！　留意到vip房有一圍用餐，一問之下原來可預訂私房菜，下次家庭聚會又多一個選擇了～