鳳城1954 (MegaBox)

营业中

休息中

識我嘅人都知經常喺九龍灣，mega box 又開左間鳳城1954!鳳城酒家以專食順德菜，而呢間睇番menu係食新派創新順德菜。龍袍四季豆用上近期大熱咸蛋黃包裹內層四季豆， 外層酥脆鹹香而內裏有汁。陳皮獅子頭係一個超大size嘅牛肉球，大概係平時嘅4倍， 唔知係咪因為size嘅關係牛肉球比一般彈牙 ，而且食到好濃嘅陳皮味。妙手炒雙芥用芥辣調味去炒芥蘭，估唔到又無攻鼻不適感，食落清新順口。3d車仔腸粉用手推車擺盤係有心思既， 腸粉質地都算幾滑嘅。考古欖角骨超濃欖菜香味，而且金沙骨仲有一層蜜糖包住，惹味佐飯一流。脆皮咕嚕肉咕嚕肉同醬汁係另上嘅， 炸到 酥脆 嘅肉條，自行沾上預備好嘅醬汁。紫砂茶壺燉白肺湯同紫砂茶壺燉螺頭湯用茶壼裝湯真係第一次。蝦多士用原隻蝦鋪上鬆脆嘅多士，唔算油。炒鮮奶口感好滑，如奶香味再濃會更好!黑松露雜菌包雜菌炒得幾香 ，黑松露味有嘅，但未夠濃。西米焗布甸從來都是順德名物。熱食突顯綿滑口感。