醍醐茶寮 (已結業)

餐廳環境小,有大部份面積用左做廚房,位唔好坐,要同人搭枱。經過望下人地食咩,見雞扒好靚,心思思都想叫。套餐配一杯$22的飲品,如選奶蓋,另加$10。台灣腸肥美又有少許甜味,肉燥唔似平日食個D,唔會油膩,乾身但有陣茶香,青瓜酸菜新鮮,一啖飯配一粒青瓜一粒酸菜少許肉燥,再加一片腸,別有風味。拌好後秘汁,我估係燒汁加蜜糖,蛋冇味,雞脾扒煎得過火。用上度小月刀削闊麵果然好味,煙韌有口感,有麻油香,八角香,肉燥油左少少。店員話要等30分鐘先有白雪公紫,因奶蓋要打,又要即搓芋圓,未攪勻時,紫薯味濃不稀,奶都結結地,味道分開左。攪勻後,紫薯唔甜,仲有陣芝士香味,芋圓係紫薯做,有紫薯香味。但右邊個杯有好重的蜂蜜味,茶香滑,珍珠煙韌好好食。