醍醐茶寮 (已結業) 查看

西灣河多美食就係人都知今次去到呢間台式CAFE食甜品同飲返杯台灣茶飲先!當然唔係食甜品咁少啦,試埋佢個招牌咸香乾拌配刀削闊麵落足肉燥,香蔥仲有隻滷水蛋 將肉燥同麵條拌勻 每條麵都掛上肉燥醬汁味濃而香 麵身彈牙有口感 係幾好食台式拌麵!招牌手工芋園 不會添加任何增味劑防腐劑 食落幾Q彈兼食得滋味健康手工沖調飲品 珍珠奶茶 珍珠紅茶 奶味濃郁,珍珠煮得好入味有黑糖味口感幾好純茶紅茶都好濃香,走糖版岩減肥飲醍醐茶寮西灣河西灣河街110號長興大廈地下4號舖

因是旺店住開西灣河都有間中食吓，講真服務係真差，年輕嘅仲ok，各位大媽簡直好似唔想你買嘢咁，嗌佢突然拖下你可能仲得到個愛嘅嘖聲。唔鍾意落座因為個座位窄，儲物櫃(?)係正隔離，不如外賣番屋企慢慢食。不過服務衰還衰，d嘢食十分十分推薦，最鍾意佢塊鹽酥雞排，超級好味外脆內嫩個種。d面都好食，奶茶梳打各類飲品基本唔伏，不過珍珠奶茶d珍珠係十分之廢同膠，唔好咬又塞住你個胃。總括而言都ok嘅，不過西灣河仲有其他好味又服務好嘅旺店囉 🤡

越嚟越唔好食嘅台灣菜🥲最記得第一次嚟食好好味㗎！唔知依家係咪轉咗老細，所以啲味道都變晒！🥺花枝丸得外層有味，入面一啲味都冇😞啲麵嘅份量又小咗，之前係會食唔晒，依家食完都唔會覺得好飽……..而珍珠奶茶🧋味道偏淡！雞髀扒+刀削麵+珍珠奶茶 $55花枝丸+刀削麵+珍珠奶茶 $55座位坐得好迫，冷氣又唔夠😵‍💫

😊唔錯。 咸香乾拌配刀削闊麵肉燥、香蔥、滷水蛋都足夠去撈麵🍝所以條條麵都沾到汁，揀闊麵更有口感，又唔會overcook 秘汁豬扒豬扒大大塊唔韌😅 不過啲汁有啲唔夾或太多大雪茫茫🥭啲冰打得好幼滑，奶蓋好難啜😂 、少甜都ok 原來都幾大杯，淨番1/3飲唔晒嘥野😗 下次可以揀小奶茶、迷你冬瓜茶

黎吃個下午茶麻醬擔擔關廟麵(中辣)+迷你芋圓冬瓜茶黎到5係關廟麵,係普普通嘅上海麵...不過算啦味道係5錯嘅,夠味,夠辣冬瓜茶微甜,芋圓好多但5煙韌,嫌佢哋硬...飲剩半杯朋友叫杯熱薑母茶,薑味都夠, 但好很甜, 又係飲剩半杯...

雖然相隔了一個月，仍然係不吐不快1. 設最低消費，人頭$402. 座位只有12，入去bar 枱有3位但唔好座3. 下午茶星期六日，3點開始4. 只收現金5. 麵食有味精，出門口已口渴6. 份量合理，但未必性價比高，因下午茶$40，一飲品+一麵7. 食店裝潢奇異，個store room 在客人隔離，每隔30秒開一次，影響食飯氣氛8. 如需要經常打開store room ，不如將你需要用的物品放出嚟仲好整體用餐體驗係差，食物質數亦不附合預期，不用專登嚟

去到西灣河唔知食咩好， 記得好耐之前同同事過嚟食個午飯，當時叫咗一個湯麵好似都唔錯幾好食。所以再去多次，今次去到見到有啲多人，因為佢堂食嘅位吾多，所以就決定叫外賣，叫咗一個lunch set - set C 乾拌麵外賣，佢嘅麵有三款可以揀，我揀左關廟麵。除左麵佢仲包一杯嘢飲一份小食，我揀左珍珠奶茶同鹽酥雞。佢嘅咸香乾拌麵啲蔥油好重好香，比較偏甜，食落唔會覺得好油膩，本身見佢啲汁吾多，以為會吾夠味，點知又唔會喎。 鹽酥雞即使我係外賣，冇即時食，但食嗰陣時呢都覺得系脆，肉質都嫩口，而且份量都吾少。珍珠奶茶就普普通通，奶味唔夠重但係珍珠嘅分量就好多。

店內有一個相當霸氣😂的超值套餐，叫做「獨當一麵」。麵食+主菜+台式飲品都只收$55😍😍，還可以加錢點多幾份主菜及飯後甜品，確實益街坊。咸香乾伴拉麵 + 鹽酥吉列豬扒🥩台式鹵肉燥加埋秘製干蒜醬做成撈麵，肉燥沒有多餘的油脂，清爽不肥膩。配上爽滑Q彈的拉麵，惹味得讓人忍不住一口接一口‼️吉列豬扒不是太脆口，但肉質尚算鮮嫩軟熟，面頭灑上少許鹽粉。食完這份午餐，我們已經飽到不能飲下杯飲品，好彩可以帶走😂。

之前外賣飲過佢嘅岩鹽咖啡☕️，味道不遜於cafe店，今日就同朋友坐低食個午餐。店內坐位唔多，只有10個左右，環境光猛潔淨。獨當一麵套餐$55，包麵、主菜及飲品🥤，收費確係抵！咸香乾伴刀削潤條麵🍜，餸菜有肉燥、台式滷蛋、蔥花、生菜，混埋秘製蔥油醬汁一齊食。醬油鮮香濃郁，咸甜有至，麵條煙韌彈牙。秘汁貢丸，有5粒，略嫌唔夠熱，肉質微彈牙，醬汁甜甜地。餐飲選擇都好多，起碼20款以上，我就揀咗招牌珍珠奶茶（單買要$23）。茶底香濃，唔會太甜，珍珠Q彈煙靭。

入席後無人理，要行過去叫佢嚟，唔止我一枱係咁，連另一枱都一樣。嗌咗麻醬湯刀削麵中辣，麻醬同個辣夾得好普通，種麻醬一食就食得出係超市麻醬，湯底比啲醬蓋到完全無曬味，最後太油膩食剩咗。跟咗塊所謂秘汁豬扒，嬲到我。個汁你夠膽死比日本嗰啲現成照燒汁，然後同我講佢係秘汁？？🙂質素同外國食連鎖日本嘢差唔多🙂 你羞唔羞恥？🙂 然後嗌咗鹽酥雞，上面嘅辣粉幾好，而且炸得唔油膩👏🏻 嗌咗杯嘢飲叫相思蜜(檸檬加熱情果) 另外加愛玉，無熱情果味，同檸水差唔多，完🙂我個朋友嗌咗滷肉飯，啲滷肉碎過碎牛，嗌咗滷水雞翼啲滷水雞翼完全無滷水味。另外加$20嗌左花枝丸，諗住$20花枝丸應該好特別，但係純粹加辣粉🙂👏🏻 多謝你三粒花枝丸你收我$20🙂👏🏻 全部野都好求其，求其到我呆咗，你打開門做生意可唔可以俾多少少心機整？

💛 醍醐茶寮 💛.記得科勞  ٩(˃̶͈̀௰˂̶͈́)و些些！..............................下午茶嚟chill一chill😚好耐無食過厚多士我小學成日食突然好懷念好想食呀💛.🔅想知黃店原因請Dm💛..............................🍽O’SULLOC極濃抹茶多士 $29（👏🏻8.5/10）。下午茶配飲品：仙草奶茶.多士無餐牌張相咁多抹茶醬 但已經夠味🍵不過略嫌抹茶醬味道唔夠香濃 有啲似普通綠茶味多士夠脆但一啲都唔乾🍞好夠鬆軟(*¯︶¯*)食落唔會太甜 又食到麵包本身嘅味 perfect👐🏻仙草奶茶唔錯啵 奶茶偏向古早奶茶嘅口味.🍽台風鹽酥雞 $28（👏🏻6.5/10）.有6嚿雞 份量有啲偏少 雞炸得有少少柴🐓食落有的的油溢味 但問題唔算太嚴重嘅不過呢個就唔係好推薦大家叫 唔係好抵食🤏🏻...............................🎈 醍醐茶寮 (西灣河)西灣河西灣河街110號長興大廈地下4號舖..............................

第一次點外賣，包裝得特別好，我點的是中辣的麻醬拉麵，選的台式拉麵，好好吃-啊！感覺可以選大辣，對於我這麼愛吃辣的，炸雞也很好吃，小芋圓奶茶棒棒的！超級多小芋圓的，茶喝完了還有好多小芋圓，老闆給的料很足！！！！

作為一隻新界牛上網成日見到醍醐茶寮好多人推介終於比我試到喇！連續兩個星期六去搵住鰂魚涌嘅friend唔小心兩日都幫襯左~第一次幫襯係經openrice order外賣自取當時大概下晝兩點幾雖然早左落單去到仍然要等10分鐘左右而店外不乏排隊等候嘅食客睇黎非常之受歡迎~包圍住食店嘅都係佢地嘅menu除左台式飲品有樣野係openrice外賣自取冇得order...就係芋圓喇！黎到先見到有四色芋圓糖水~聽名已經覺得好吸引唯有下次再比藉口再黎！麻醬擔擔麵🍜今次揀左刀削麵 手撕雞 小辣去到朋友屋企一打開個外賣湯底嘅麻醬同花生味即刻衝出黎！刀削麵好吸湯手撕雞份量好多雞肉嫩滑又好夠味而餐飲就留比男朋友飲加左$3叫左小芋圓冬瓜茶可惜店員比錯左小芋圓奶茶(小甜小冰)對於有奶敏感嘅男朋友就冇得飲😟最後益左朋友佢對奶茶嘅feedback唔太甜 奶味偏重~小芋圓份量都算多發現飲品搞錯左打返去食店店員都好爽快話下次補返杯飲品過左一個星期再幫襯店員同時補返一杯小芋圓冬瓜茶(小甜小冰)每次飲冬瓜茶都好怕過甜叫左小甜味道岩岩好！小芋圓好煙韌🤤另外今次試埋鹽酥雞食落同一般台式口味唔一樣比較似韓式炸雞粒

繼續幫襯旺店，今次嚟到小西灣，呢間都幾多人排隊，所以又試吓。呢個係麻醬擔擔面，我哋叫咗關廟麵，係個店員介紹嘅，個面超級滑，個湯好濃好好味😋😋😋鹽酥雞套餐，個鹽酥雞整得好好食，啲雞好滑，好趣，個味啱啱好，啲肉躁都好好味，同啲酸菜超級夾，冇諗過咁高質素🤩🤩🤩套餐包埋嘢飲，叫咗茉香珍珠奶茶，茉莉味好濃，超級好飲！仲有超級讚，佢肯裝落自備杯。唯一唔鍾意嘅係，用即棄餐具，希望下次去到會有改善啦！

今日下晝兩點，我哋一行三人，因為其中一人唔太肚餓，而且未到下午茶時間，我哋三個人首先叫咗兩個餐，分別係$63同$55。落完order，單都出埋。隔咗一陣個男侍應先同我哋講佢哋有minimum charge,咁其實我哋之前都諗住叫多個薑湯芋圓$35。咁我哋問佢叫多個$35有冇問題，佢就話每人$40-50。然後隔咗一陣我同另外一個女店員落單，再問多次可唔可以淨係叫多一個薑湯芋圓，佢就話每人最少要叫一個餐，如果淨係叫一個薑湯芋圓都唔夠，要起碼再叫多一份小份量小食。由於我哋三個人真係唔太肚餓，叫多一份小食真係食唔哂，而且餐牌上面冇標明最低消費係幾錢或者每人一個餐，咁我哋就問店員其實最低消費係咩同埋邊度列明。佢哋竟然答將會有新餐牌，依家未有住！最後女店員都話今次可以只叫一個薑湯芋圓。其實小店有最低消費係冇問題嘅，不過首先佢冇喺餐牌列明、落單嘅時候又冇講，舖頭裡面有唔少告示，例如洗手間維修、疫情其間用餐35分鐘等，咁其實佢哋都可以有一張最低消費嘅告示。其次係冇準則，男侍應話最低消費係$40-50，女店員又話每人最少一個餐，係冇列明最低消費嘅情況下，唔同店員嘅最低消費又唔同。另外，之前叫過一次外賣薑