八幡屋日本料理 (已結業)

2016.03.14 【3.14 願意等 @ 好質素放題~滋味行TASTY ROAD】熱衷日本料理嘅G小姐最識食，試過八幡屋涮涮鍋，覺得質素好，就連八幡屋日本料理都唔放過，約我今晚去呢度放題。貴價時段，都有大把人願意等枱，好彩一早BOOK枱，如果唔係質素好，應該唔會有人等，信心指數大增。加班太攰，個腦唔想諗，食咩，全部由佢定好啦，反正，我嘅喜好，佢都知道，我就一於動口不動手。佢一嚟，立即升級體驗。五行壽司(訂枱送)其實係黑松露帶子芝麻卷、海膽吞拿魚蓉黑芝麻卷鮮蝦蜜桃卷蟹子火灸三文魚紫菜卷火灸左口魚卷賣相好靚，味道一流其他刺身、壽司都唔錯最緊要係好味得嚟要細細舊，咁樣先可以試多啲。炭燒紐西蘭羊架冇羶味，啱我，所以呢2件，我嘅。 天婦羅同炸物熱辣辣、脆卜卜，愛香口嘅我無法抗拒。所以我對佢哋ENCOREG小姐就最愛呢啲啦其實佢都叫咗唔少，不過佢肚餓，又食得快，我自己又食緊喜歡嘅，嚟唔切手機先食。一人一SET，同款甜品，圓滿、甜美打道回府。