正宗水上人氣鍋專門店 (已結業)

今晚提早食聖誕大餐，水上人蒸氣火鍋聽過好耐第一次食。依度醬汁有菜甫，好正！平時個d都無既！食辣既人會好開心，因為有傳統辣椒外，仲有泰國辣，湖南辣等。有卡位坐，今次主要食海鮮同肉類。蒜蓉大元貝一開二，仲大隻，以為有2隻haha，蟶子口感濃d，但元貝都ok。南非五頭鮑魚好多針仔，彈牙！有少少陳皮係上面，而唔係薑葱。肉都厚同實，新鮮的。蒜蓉蟶子好大隻呀，蒜蓉粉絲都好多幾足料，好鮮無沙石唔錯呀！黯然銷魂魚係沙巴魚蒸左6分鐘，198蚊配薰衣草蒸好得意，少少香味。另外自己配左辣油食，更加鮮。食到薰衣草子，好香值得試。肉質嫩而厚，唔會散肉。蟲草花蒸鮮雞，蟲草花好粗！估唔到半隻雞係咁多，媽媽話可能雞大！油花好多，好黃既雞，店員要幫我地了了粥底油，應該好好食，配薑蓉！宮廷靈芝羊，我好期待羊，勁鐘意！有芫茜薑配去下蘇味，但我愛蘇既，無都得haha，淡淡羊味好吸引，薄薄地既肉加少少羊皮好實在，好厚肉，份量大既。大既雪花和牛好食好靚油花，肉好嫩既！好好食配麻醬haha。無水蟹就轉左藍花蟹粥底，細就夠4人食，我地3個女士食唔哂。好棉，唔會太油，有菜甫加強口感，正。粥內有雞肉增加肉味。依度服務都好好，每2次就轉一