八百碗中華料理 (已結業)

星期三，平凡的一天，天氣亦冇咁凍，但筆者剛經過了經心動魄的廿四小時。結果，一切只是虛驚一場，平安渡過。與太座再嚟筲箕灣，發現此小店，不斷有客人外賣，便坐了下來。銷量是否如店名般，無從稽考，不過生意是不錯的。太座已於東區醫院食過晚飯，只陪筆者醫肚。叫了一碗豬油渣麵($18)及雞湯炒手($20)。豬油渣麵怎樣算都唔健康，但唔健康嘅嘢往往最好食。豬油甘香，加了點辣菜甫，於冬天時間，份外滋味；雞湯炒手一碗六粒，炒手嘅皮十分出色，長長嘅尾巴，如金魚般，而且又薄又滑，美極！餡料肥瘦均稱，豬肉打得很有彈性，搓得十分扎實，是高水準之作。其他小食如糯米飯也很受歡迎，有再來嘅理由。