Transformers The ARK (已結業)

全球首間官方Transformers餐廳坐落銅鑼灣。餐廳分兩層， 地下門口一入去嘅右手邊已經見到2.8米高嘅柯柏文，據餐廳員工介紹柯拍文從另一個星體來到這家「Transformers：The Ark」作為補給站😆，柯柏文由七位數字而打造而成， 頭部和手都會轉動， 不過如果連腳都可以喐動行走全場就更加無敵😗。柯柏文隔離係紀念品售賣店，仲有一個全球限量100件嘅模型擺設，十分珍貴！ 不過暫時未有價錢資料，斷估都唔會平得去邊。上到2樓，有個去到博派基地的感覺，牆上屏幕裸眼3D呈現大黃蜂同柯柏文處理美食好不忙碌，天花板亦有屏幕顯示無限宇宙星際，尤如置身其中。講番食物方面，當然有變形金剛最熟悉嘅標誌元素渗入，漢堡包選擇有安格斯、蟹肉、雞、鱈魚，$95-105，再配薯條$30，飲杯「四季冰晴」$35，加多件炸雞$30，整個組合就完美，味道又幾唔錯。我欣賞呢個蟹肉牛油果漢堡，幾清新唔會好滯，配埋由四季茶調成嘅四季冰晴，是幾好配搭。又食又有嘢睇，真是打卡最佳。