影片
相关文章
经过铜锣湾一定会见到呢间变形金刚主题嘅餐厅，可惜平时见入座嘅人数真系唔算多有一次好奇心嘅促使下就去左试，出乎意料之外地好食㖞！原本以为系好睇唔好食😂😂点知意料之外有质素叫咗两个包，一个就普通牛肉汉堡，另一个就系炸鱼柳包，两个都好好味㖞！个包软熟之余仲有造型添，另外加做套餐都系加$25，就已经有特饮😂唔系𠮶啲普通汽水套餐可以拣薯条或者鸡粒，个人推荐鸡粒除咗因为少见之外真系好好食！建议大家经过可以去试吓，因为质素真系几好🤣店入边仲好有气氛添，好似去咗迪士尼餐厅食嘢咁
继续阅读
是咁的，下午茶时段路过，见到外面贴住啲广告好似好多好西食咁，跟住行入去见到一排唔用得嘅点餐机，然后系空荡荡嘅收银/工作台。事实上成个area都好空，有啲食完嘅餐盘就咁摆喺到，地下有两个员工当睇你唔到咁自己玩自己嘅；一楼都系水静鹅飞咁，而且好多嘢食同饮品都话sold out，本身想买set都焗住散嗌。以上嘅现象不禁令我疑惑点解呢间嘢好似赶紧客、唔稀罕做生意，但仲有咁多好评，后面陆续又多返啲人入来，唔知佢哋系咪贪呢到够大够静，反正我觉得性价比不如M记KFC之流。不过又公道讲返句，后尾都睇到有员工出来做嘢执吓枱咁嘅，同埋𠮶杯有啫喱嘅四季春都唔难饮，至少唔酸。
继续阅读
蟹肉牛油果汉堡很特别，很多蟹肉和牛油果，也很喜欢面包的口感，饱皮也是带点脆皮，外脆内软。安格斯牛肉汉堡超好食，劲多肉汁，啲肉汁系一边食一边滴落嚟，两款汉堡都明显系即叫即整，物超所值。Pizza也是焗得非常香脆，铺了满满的芝士和海鲜。叫了两杯大汽水，店员话无哂大杯，转了4个中杯装得满满的，真是超级大方，差啲饮唔哂。服务也很好，有送餐服务，餐厅位置宽敞，装修是变型金刚飞船主题，打卡也不错的，环境干净，连洗手间都超级干净。
继续阅读
今天路过这间以Transformers 做主题的餐厅，刚好想吃个汉堡当午餐，又看到门外好像有宣传午餐优惠，就进去了。说来有趣，自从当年说开了这家餐厅，就一直想品尝一下，不知道怎样的总是没走进去，直到现在一直听说分店在倒，也有点怕没机会尝一下，还好这天有空，就试一下味道如何。安格斯芝士汉堡套餐配香脆鸡翼饮四季冰晴（苟蒻春茶）自问对机械人兴趣不大，所以包的形状没有加分，但一口咬下去，味道确实不错。面包是经牛油烘过，香脆不失口感。上半层清新的蕃茄，配以下半层肉汁鲜嫩的汉堡，中间还夹有咸香的芝士和烟肉。整个并凑跟其他汉堡一样，但吃得出用料比一般的要好，那份漏出来的肉汁，香口的烟肉，香软的包片对得起价钱。鸡翼也是一个惊喜，炸得刚好的脆皮，滑嫩的鸡肉，让人觉得只有一件实在太可惜了。饮品也是大杯的茶，甜度刚好又有茶香。总括来说，这家汉堡店绝对不输于Shake Shack, five guys等同类，价格$93 更比上述两家便宜，但当天午市却只有数枱食客，这样的落差实在让人怀疑是不是宣传的问题？门面已经是在铜锣湾最旺的街口，但却没人进门，是因为大家都觉得Transformers 爱好者才可以进去吗？就这样带著满头的问号离开了餐厅，希望餐厅可以找到客满的方法，让我们继续可以享用如此美食
继续阅读
每次经过都会望下依间嘢，今日放工行过见到佢哋set dinner好似又唔贵㖞，就决定试试佢。走入去店里面，突然有种去咗主题乐园嘅感觉，啲声音同装置就好似系廸士尼排紧队玩游戏咁，个vibe唔错，但依个系一个好冷清嘅乐园，地下整饮品卖飞嘅位置系冇开嘅，要买嘢就要行上一楼；上到去见到个装修真系几有心思，而且墙上播住太空嘅画面，你坐系度食嘢就好似坐系架驶舱咁，真系几得意，不过全场只有一张枱系有人嘅，老实系有啲惊嘅，𠮶度话哂都系铜锣湾黄金地段，晚餐时间一枱客真系唔知佢可以点生存落去。讲返食物，我叫咗个牛油果蟹堡（$78），另加$25跟炸鸡腿同青柠梳打；个包味道都可以，中间系一件蟹饼，虽然应该只系用蟹柳同洋葱条整，不过味道系可以嘅，我反而唔太喜欢佢个包，因为食落有啲碎，唔系好似真面包，系个样几特别啰；鸡腿就正常发挥，反而觉得佢杯青柠梳打调得几好，唔怕饮色素嘅话佢系好饮嘅。整体嚟讲系可以一战嘅，食物味道唔算差，环境又可以，价钱依区嚟讲都算正常，希望佢可以顶到落去啦。
继续阅读