星宴中餐廳 (已結業)

上個月食過，感覺良好，所以立即訂左今個月再食多一次。皮旦酥保持水準，微熱，酥皮鬆化，入面嘅蓮蓉吾太甜。燒賣d餡料好扎實，蝦春卷脆口非常得黎又滿滿蝦肉。流沙包非常流沙，食嘅時候要小心，但系亦都要趁熱食，否則會大打折扣。鮑汁炆鳳爪，炇得好夠時候，入口即溶。灌湯餃d餡嘅蟹肉比起上一次冇咁豐富，蝦餃細細粒，個皮比較厚，珍珠雞入口好似吾系太新鮮，就真係麻麻地。埋單$500/2位，食物水準好似有d退步左，幸好待應依然有禮非常。