西餐大排檔 (已結業)

食大排檔唔一定係中式，亦唔需要座係街邊先有風味，朋友就帶我去了間西式嘅大排檔，門面就好似新開張咁，有個大花排！入到去就同一間西餐廳差不多，燈光柔和，重播放住一些時代曲，好有情調，話係大排檔，只不過是用嘅餐具，充水個茶壺好有大排檔嘅感覺！而望吓餐牌有散叫，亦有套餐，話係大排檔，但食物一啲都唔係大排檔，係一間西餐廳應有嘅選擇！望了一個，選擇困難出現了，最好當然係一個套餐唔使煩啦！就2人晚餐$888，看似有少少貴，但當各美味佳餚上枱後，真係物超所值！先有個海鮮拼盤，有生蠔4隻、鮑魚2隻、鮮蝦4隻、帶子和聖子刺身，大大盤，亦好細心地配上不同醬汁入口，當然生蠔有兩種味，由淡味到濃味，加埋杯白酒，一流！而鮑魚肉肉質爽彈，蝦肉鮮甜彈牙，帶子肉質亦鮮甜爽口，聖子爽口！感覺非常新鮮！跟住上湯，黑松露蘑菇湯，細心嘅煮法，碟保持高溫，確保個湯可以保持熱度，松露香之餘，加埋濃郁嘅蘑菇容，個湯夠晒味道重有前菜燒牛脷配蜜糖芥辣，入口軟熟，而肉質軟滑另一個係黑松露年糕年糕本身沒有味道，但配上松露及個白汁入口，即時感覺到濃烈嘅松露香味，加埋煙韌彈牙嘅年糕，真係增加胃口！主菜美國慢燒牛肉眼，四成照跟，切開唔覺血淋淋，反