黑木亭居酒屋 (金馬倫道)

我見佢哋搵咗咁多所謂foodie KOL 喺IG不停賣廣告，又見佢咁多選擇任食都幾抵，就叫埋朋友試一試。 結果。。。令我覺得我好對唔住我朋友，好唔好意思。首先，入座之後完全冇人招呼。等咗一輪先見到一個送菜姐姐，我即刻捉住佢話想叫$198串燒任食。點知送菜姐姐話要我搵負責落單嘅員工先可以。根住又要等多好耐先搵到落單同事。。落完第一round，大約等咗二十分鐘先嚟咗少少豆腐，翠肉瓜，雞皮，雞軟骨。咁我見勢色唔對，我即刻落第二round。根住佢先嚟多少少第一round 嘅order。 我有理冇理你，落埋第三，第四round。 我好肯定頭三round order 係喺入座後一小時完成。跟住佢又係嚟得第二，三round 嘅豆腐，翠肉瓜，啲肉完全冇到。但我見佢第二，三round 都有野嚟，即係有單，咁我就飲下酒，傾下計等下。戲肉就嚟啦。突然有個員工嚟話我哋時間到咗要埋單先（佢哋完全冇提我哋last order），但係時間到咗冇得再order，要埋單先都合理。好彩好彩，我多口問句，問咁我哋之前order 咗嗰啲仲會嚟咖可？ 點知。。位員工話如果張床夠鐘，廚房就唔會再岀嗰張枱嘅order ？！我當堂嚇