黑木亭居酒屋 (金馬倫道)

尖沙咀好多唔同嘅美食， 上網見到介紹呢間日式串燒放題198蚊幾抵食， 就決定食呢間。 位於尖沙咀金馬倫道，地鐵站行過去只需要幾分鐘， 呢度裝修好靚好有日本風情， 由門口樓梯至到 一樓餐廳 超多打卡位，好靚， 啱曬最鍾意打卡嘅朋友。串燒雞翼：調味恰到好處， 外皮酥脆肉質鮮嫩。燒牛舌：口感獨特， 肉質爽滑彈性十足。脆燒豆腐：外脆內軟， 香氣四溢， 配搭特製醬汁， 甚有風味。黑豚荔枝卷：黑豚肉肉質嫩滑， 包裹著新鮮荔枝， 口感層次分明 清甜可口。最鍾意食佢嘅燒蠔： 燒蠔有兩款口味， 黑松露白汁燒蠔及 煙肉粒牛油燒蠔， 兩款味道各有特色， 蠔肉脹卜 卜鮮甜美味。另外仲可以加98蚊任飲罐裝飲品及啤酒， 可以盡情暢飲。