影片
更多
2023-12-15
54 浏览
《鐵板燒海賀 - 尖沙咀》近排好鍾意食鐵板燒🤭前排介紹過親民價格的，今次就介紹高端食材嗰種鐵板燒😁雖然價格相對較貴，但係食材用料上面都係比較高級，而且聽講呢一間鐵板燒嘅廚師都係喺鐵板燒行頭做咗好多年㗎啦🫡今次呢間鐵板燒位於The ONE 19樓，可以望住無敵大海景食鐵板燒真係好浮誇，而且裝修嘅風格令人覺得好似去咗新宿嘅高級日本餐廳咁🥰節日慶祝過嚟食飯一定唔會失禮😘雖然有靚景有靚嘢食，但係人均價錢唔算好貴，今次我哋叫咗個$2480嘅鐵板燒二人餐，每人都係千零蚊，有海鮮有和牛仲有甜品同Cocktail，感覺都幾化算💁🏻♀️無花果蟹肉沙律前菜既沙律凍凍的好清爽，蟹肉一絲絲的佈滿喺沙律菜上面，夾埋清甜既無花果味道好夾，十分開胃💁🏻♀️三文魚籽伴海雲醋同樣都係一道開胃小菜，海雲醋其實係用醋漬過既海帶，質感似髮菜而又帶點爽口，酸酸甜甜的好易入口，上面仲有啲咸香既三文魚籽，咬開後又咸又甜的幾特別💁🏻♀️磯煮飽魚呢道菜上枱後我地都不停地去影相打卡，因為原隻鮑魚咁樣上枱真係好浮誇呢🤭南非鮑魚食落好軟好香海鮮味，經過慢煮後更加入味同濃郁，而墊底既蘿蔔都嗦曬鮑魚汁既香氣，令我好驚喜❤️想再濃味啲既可以點埋廚師
近排好鍾意食鐵板燒🤭前排介紹過親民價格的，今次就介紹高端食材嗰種鐵板燒😁雖然價格相對較貴，但係食材用料上面都係比較高級，而且聽講呢一間鐵板燒嘅廚師都係喺鐵板燒行頭做咗好多年㗎啦🫡今次呢間鐵板燒位於The ONE 19樓，可以望住無敵大海景食鐵板燒真係好浮誇，而且裝修嘅風格令人覺得好似去咗新宿嘅高級日本餐廳咁🥰節日慶祝過嚟食飯一定唔會失禮😘雖然有靚景有靚嘢食，但係人均價錢唔算好貴，今次我哋叫咗個$2480嘅鐵板燒二人餐，每人都係千零蚊，有海鮮有和牛仲有甜品同Cocktail，感覺都幾化算
💁🏻♀️無花果蟹肉沙律
前菜既沙律凍凍的好清爽，蟹肉一絲絲的佈滿喺沙律菜上面，夾埋清甜既無花果味道好夾，十分開胃
💁🏻♀️三文魚籽伴海雲醋
同樣都係一道開胃小菜，海雲醋其實係用醋漬過既海帶，質感似髮菜而又帶點爽口，酸酸甜甜的好易入口，上面仲有啲咸香既三文魚籽，咬開後又咸又甜的幾特別
💁🏻♀️磯煮飽魚
呢道菜上枱後我地都不停地去影相打卡，因為原隻鮑魚咁樣上枱真係好浮誇呢🤭南非鮑魚食落好軟好香海鮮味，經過慢煮後更加入味同濃郁，而墊底既蘿蔔都嗦曬鮑魚汁既香氣，令我好驚喜❤️想再濃味啲既可以點埋廚師特調既味醂鮑魚肝汁，食得出細節同精心既配搭，十分好味
💁🏻♀️鵝肝
呢個菜式係當晚至愛既其中之一💙煎香既鵝肝爆曬油又軟糯，咬落真係好guilty好邪惡呀🫣底下片麵包將鵝油吸收左，連果啲精華都唔放過，再點埋特製既黑蒜汁一齊食，又香又濃郁真係好好食👍🏻👍🏻
💁🏻♀️大蝦
廚師建議我地先試原味大蝦，個蝦肉彈牙多汁，咩都唔點都已經好食，第二啖就可以試下點蟹羔醬同黑椒海鹽，可以加强海鮮既鮮甜味，令到成道菜式整體味道再昇華一層
💁🏻♀️A4宮崎牛
主菜可以選擇和牛或者雞肉，我地兩個牛魔王就當然唔會放過食和牛既機會啦😉廚師建議我地要五成熟，和牛既油脂分布平均，入口即融🥰可以點少少岩鹽或者黑松露醬調味，而伴碟既炸蒜脆卜卜幾香口，可以減低油膩感之餘，用黎點黑松露醬都同樣係十分惹味💁🏻♀️黑松露和牛炒飯&櫻花蝦炒飯
我哋呢個二人餐最尾係會有個炒飯俾我哋，因為兩個味道都想試，所以要咗各一，而師傅都好好咁幫我哋製作，櫻花蝦炒飯嘅味道都幾有驚喜，蝦乾嘅味道好出而且好有口感，炒飯入面有啲蔬菜同埋蛋碎，食得到粒粒分明同埋好香醬油味，唔知係用咩醬油炒呢🤔而黑松露和牛炒飯就相對比較淡口味少少，可能上一道菜食左和牛，就覺得和牛炒飯無咁有滿足感啦😝不過整體口味不錯的
💁🏻♀️抹茶芝士蛋糕
上甜品之前其實仲有麵豉湯同漬物的，然後就到左甜品環節😜芝士蛋糕口味香濃，質地較硬身，似New York Cheesecake 既感覺，而上面既抹茶mousse 都算重抹茶味架，雖然得細細舊，但食完已經好有滿足感啦
张贴
