451
36
15
| 餐厅: | 鐵板燒海賀 |
|---|---|
| 优惠: | 国泰会员凭「国泰 - 亚洲万里通」应用程式內会员二维码，赚高达HKD4 = 2里。受有关条款约束。 |
|
条款及细则:
|
|
|
|
影片
港铁尖沙咀/尖东站 B1/ N5 出口
继续阅读
电话号码
29722888
开饭介绍
鉄板焼 海贺 坐落于尖沙咀新地标The ONE，为香港首间源自日本的铁板烧日本料理。
鉄板焼 海贺 除诚意献上一系列铁板美馔、寿司、卷物及刺身外，还提供头盘、天妇罗、饭面类、汤类及甜品等滋味佳肴，保证为宾客带来无尽惊喜。
食材由日本每天空运扺港，所取得之材料，特别是日本和牛及海鲜，绝对是顶级拣手正货。
继续阅读
附加资料
来自东京银座的铁板烧海贺，位于尖沙咀潮流地标the ONE，每天以日本空运到港的食材炮制出赏心悦目的菜式。 客人除了可以享用即席献制的顶级和牛, 海鲜以及其他和风菜式，亦可以在高雅的寿司吧细味师傅以新鲜食材研制的 omakase 醉心于海贺的料理的同时，亦别忘了细赏窗外的维港景致.
营业时间
今日营业
12:00 - 15:00
18:00 - 22:00
星期一至日
12:00 - 15:00
18:00 - 22:00
*午餐最后落单时间: 14:30 晚餐最后落单时间: 21:00
以上资料只供参考，请与餐厅确认详情
有关奖赏计划
优惠
| 餐厅: | 铁板烧海贺 |
|---|---|
| 优惠: | 国泰会员凭「国泰 - 亚洲万里通」应用程式内会员二维码，赚高达HKD4 = 2里。受有关条款约束。 |
|
条款及细则:
|
|
|
|
相关文章
星期日晚喺 The ONE 揾餐好啲嘅慰劳餐，就拣咗19楼嘅「海贺 Kaika 铁板烧」，试吓佢哋夏季限定嘅「海贺盛夏祭」套餐。特价 $638 一位，当然要加多杯 Suntory 生啤 🍺 配住先够 Chill！全晚由一位熟练又风趣嘅师傅帮我哋即席铁板烧，坐得舒服又观感十足！---🥗 1️⃣ 大虾蟹子沙律餐前先来一客清新沙律，大虾爽口弹牙、蟹子铺满沙律面层，粒粒晶莹，入口有趣。配合沙律菜、青瓜丝等蔬菜，整体口感层次丰富，唔单止系一味清爽，而系真正做到「凉而不淡」，系夏天开胃嘅好选择。---🐟 2️⃣ 三点刺身刺身三点包括三文鱼、油甘鱼同赤身，切得厚身，鱼味保持得唔错。三文鱼油脂分布平均，口感滑溜；油甘鱼偏向扎实、有咬口；赤身冇筋，带返少少清甜。不过以铁板烧套餐嚟讲，刺身质素已属中上。---🔥 3️⃣ 铁板带子配橙香辣肉肠汁带子厚身唔过熟，中心保持嫩滑，煎香面层带少少焦脆感，对比感做得出色。橙香辣肉肠汁有惊喜！酸甜带辣之余，有啲似墨西哥风味融合日式手法，好香口，唔会抢味，反而帮带子加咗层次。---🐠 4️⃣ 铁板白鳕鱼配灯笼椒烟肉汁鳕鱼外皮煎得脆卜卜，鱼肉够嫩，少少油香但唔腻。重点系烟肉汁！香气满分，有少少咸香衬返白鳕鱼嘅细腻口感，中间夹住灯笼椒嘅微辣感，整体味道唔算复杂，但系协调感几高。---🍤 5️⃣ 铁板虎虾配红咖哩虾酱汁今餐我自己最钟意嘅就系呢道！虎虾够大只，而且煎得啱啱好，完全唔嚡口。红咖哩虾酱汁有浓浓泰式风味，但未至于太重手，反而系带出虾鲜。成件虾连虾头都处理得干净，诚意分加分！---🍗 6️⃣ 铁板爱媛鸡 or 美国牛肋眼 / 加配A4和牛原套餐系二选一，我哋选咗 upgrade +$200 试 A4和牛，牛扒厚切，五成熟左右，师傅手势准，外层香脆，内里仲保留粉红肉汁，唔需要太多调味已经好好食！油脂分布靓，但唔会漏，食完唔会有负担，完全符合A4级数水准。---🍚 7️⃣ 蕃茄烟肉炒饭食到呢度已经八九分饱，但呢个炒饭仲系好有惊喜～用番铁板现炒，蕃茄味浓郁之余烟肉香气渗晒入去，每粒饭都炒得干爽唔黏，拌埋少少葱花提香，一口接一口停唔到。---🍨 8️⃣ 甜品甜品就比较简单，当晚系一客士多啤梨雪糕＋焦糖脆脆碎，收尾位唔算突出，不过够清新，喺多道菜之后就啱啱好冇压力。---📝 整体评价整个「盛夏祭」套餐份量刚好，由头到尾每道菜都见到诚意，唔会有中伏位。最欣赏系每道菜都设计到配合季节感，例如酸甜橙汁、红咖哩酱汁等等，适合夏天食。师傅现场即烧，互动感几足，仲会细心介绍每道菜材料同煮法，坐窗边望住维港景色，气氛加晒分。价钱方面，$638＋加$200升级和牛＋$88啤酒，两个人埋单连加一共 $1597，虽然唔系平，但以铁板烧来讲算中高质素，适合庆祝／想食得豪少少嘅日子。下次有机会会想试埋佢哋嘅黑毛和牛全餐或午市 set！---✨ 食材新鲜、火喉准、服务到位，系 The One 想揾个舒服位置、睇景又食得好嘅餐厅，呢间系不错选择。建议早少少订位，唔好 miss 咗靓位！
继续阅读
🇭🇰尖沙咀《海贺》盛夏祭🌈铁板烧🔥🔥The one浪漫天际🎆维港全海景✨✨又一年の生日漂亮饭🍰🍧💕💁🏻♀️位于尖沙咀The One19楼《铁板烧海贺》🩵年年生日必打卡餐厅🎉💝拍不腻的维港🇭🇰浪漫全海景🎆每次过来都心情超靓✨环境一如既往的有情调又有格调，灯光柔和气氛优雅，白天通透自然光☀️晚上夜景璀璨🎇🌃平时钟意坐铁板烧位置，欣赏厨师烹调过程🔥偶尔想浪漫也可选择窗边位置，享受成个海景View😊💕和闺蜜一起拍照打卡超「出片」的喔📸餐厅现在有推出🌸《海贺盛夏祭》🌸套餐抵食又丰富🎊🎊🎊🌺三文鱼亲子沙律：三文鱼片新鲜厚实，搭配细嫩嘅三文鱼籽，粒粒分明，清新嘅沙律酱，开胃又醒神✨🌺刺身三点：新鲜度十足，肉质鲜甜入口爽滑，搭配特调嘅酱汁，将鱼嘅鲜味完美带出✨🌺铁板烧带子配香橙西班牙辣肉肠汁：带子煎得外脆内嫩，香橙汁嘅清新酸甜与辣肉肠汁嘅香辣完美融合，食落仲有浓郁芝士味I like😍😋味道层次丰富，令人回味无穷✨🌺铁板烧白鳕鱼配灯笼椒烟肉汁：白鳕鱼质地细嫩，呢个组合都几特别，灯笼椒嘅微辣与烟肉嘅咸香相辅相成👏🏻口感好Nice✨🌺铁板烧大虾配红咖喱虾酱：大虾煎得啱啱好，肉质紧实弹牙，红咖喱酱味道浓郁，不会抢咗大虾本身的鲜甜，令人食指大动✨🌺铁板烧美国牛肉眼薄烧：牛肉质地柔嫩，油花分布均匀，煎得外焦里嫩，卷包住葱花香蒜一齐食，肉汁Juicy油香四溢，一口下去超满足✨🌺蕃茄酱烟肉炒饭:炒饭粒粒分明，烟肉嘅咸香与蕃茄酱嘅酸甜相互搭配，好Yummy呀✨🌺甜品：丸子奶冻，丸子烟韧，奶冻滑嫩，解腻又甜蜜💕餐厅仲好贴心甜品写生日字，特别安排我哋去露台影相打卡呢👻又是一年美美的生日漂亮饭✨📍 《海贺》铁板烧 尖沙咀弥敦道100号The ONE 19楼
继续阅读
来自日本东京银座嘅铁板烧海贺，位于尖沙咀The ONE嘅高层，能饱览维多利亚港及城市美景，无得弹！海贺嘅食物出品优质，服务态度良好，难怪闲日晚市都接近Full场，席前位座无虚席！海贺盛夏祭 $638/位三文鱼亲子沙律清爽嘅沙律菜配搭三文鱼刺身同埋三文鱼子，啖啖鲜味！刺身三点鲷鱼 - 口感柔软，颇为鲜甜！烟熏鲣鱼 - 加埋渍洋葱，更显甜！甜虾 - 软糯甘甜，虾膏鲜味浓郁！铁板烧带子 配 香橙西班牙辣肉肠汁肥大肉厚嘅带子香煎两边至半生熟，鲜甜被放大，Good！铁板烧白鳕鱼 配 灯笼椒烟肉汁厚切嘅白鳕鱼火候准确，水嫩美味！铁板烧大虾 配 红咖喱虾酱大虾爽弹鲜甜，红咖喱虾酱令风味更浓郁！铁板烧美国牛肉眼薄烧五分熟嘅薄切肉眼够香又够软嫩，配山椒烧汁特别惹味！而辣根忌廉汁就带来类似Wasabi嘅风味！蕃茄酱烟肉炒饭｜味噌汤｜渍物炒饭较湿润，配搭渍物更开胃！甜品是日甜品为白桃奶冻，香甜美味！Sorrento $138以Gin做base嘅Cocktail，加入芒果蓉、Cream等材料，酒味温和口感幼滑，几好饮！Ananas Comosus $108以热带水果配姜味汽水，系微酸清爽嘅Mocktail！
继续阅读
今日约咗朋友嚟食铁板烧真系好有气氛❤️ 装潢充满空间感仲有落地大玻璃对住尖沙嘴夜景🌃咁啱望住幻彩咏香江真系好有情调🌙 有种Fine Dining的感觉🫶🏻食物质素方面好有水准🥹原来铁板烧师傅师承日本大师技巧比起一般港式铁板烧更为出色值得一试呢🧡⭐️ 春日精选前菜两点 🍱飞鱼子配上海螺🐚充满咸鲜嘅香气但系好开胃🌊 作为前菜好清新☘️⭐️ 甜虾 樱鲷薄切 初鲣配洋葱酸汁 🍣三款刺身用料好新鲜💙配合春天主题味道都比较清新为主🌿 特别系洋葱酸汁嘅酸度提升了鲣鱼既鲜味🧅⭐️ 蚬清汤 🍲口味恰到好处🥹调味清新食得出蚬肉嘅饱满同鲜甜🦪⭐️ 煮春野菜海鲜腐皮 🫕海鲜嘅精华配上腐皮嘅豆香🫔腐皮看似简单但好幼滑有一种日式嘅精致同埋经典嘅味道⛩️⭐️ 铁板烧蛏子王配文也汁 🪼蛏子爽口又弹牙非常新鲜🩵 配上芦笋嘅爽脆既口感好丰富🫛⭐️ 铁板烧比目鱼配蕃茄酱 🐠比目鱼新鲜而且口感好丝滑😊值得一赞嘅系配上自家制嘅蕃茄酱🍅有别于一般铁板烧既牛油汁通常都好油腻😅蕃茄嘅鲜甜同比目鱼更加配合❤️🔥⭐️ 铁板烧美国牛肉眼薄烧 🥩薄烧嘅肉眼火候控制得啱啱好🔥锁住了肉汁特别喜欢用辣根酱调味🌶️整体口味唔会腻⭐️ 樱花虾炒饭 🍚饭粒粒粒分明加上樱花虾鲜味嘅点缀🌸都系水准之上😇⭐️ 甜品 🍮柚子雪芭好Refreshing🍊清新返味蕾总结一餐啱啱好🍦
继续阅读
今次嚟到位于尖沙咀The One高层嘅日本过江龙铁板烧-铁板烧海贺，餐厅装潢高雅有格调，有席前料理吧台同埋餐枱座位，可以近距离欣赏师傅铁板烧嘅手艺，又可以同师傅互动，另外设有落地大玻璃，景色开扬，可饱览到维多利亚港景色，无论系中午定系晚上到访都气氛一流，呢度除咗出名食铁板烧之外，仲有Omakase提供。春日会席春日精选前菜两点新鲜嘅鲱鱼籽腌制成嘅数之子，口感爽脆，带咸香味道，汁煮响螺入口清爽，味道鲜甜，两者都完美呈现海鲜滋味。刺身三点包括甜虾、樱鲷薄切同埋初鲣配洋葱酸汁，味道由淡至浓嘅味觉层次，樱鲷薄切肉质爽脆幼嫩， 口味清香鲜甜；初鲣经过烟熏处理后，鱼肉份外肥美，搭配特调洋葱酸汁，味道酸甜清新，更突显初鲣鱼肉嘅鲜美。蚬清汤蚬肉汤头清澈，味道鲜甜，加入咗清薄菜增添香气，内有三只肥美饱满嘅大蚬，蚬肉弹牙而且无沙，饮完后非常暖胃。煮春野菜海鲜腐皮当造嘅春野菜搭口感配嫩滑而且豆香浓郁嘅腐皮，配上鲜甜弹牙嘅虾肉同埋柔嫩嘅带子，饀料非常丰富，腐皮亦吸收咗海鲜嘅高汤，每一啖都充满味道层次。铁板烧蛏子皇 配 文也汁最精彩主打嘅席前铁板烧环节开始，师傅剪开大大只嘅蛏子皇，肉质厚实弹牙，配上浓郁牛油香嘅法国文也汁，令鲜味更突出，配菜芦笋亦非常爽口甘甜。铁板烧比目鱼 配 蕃茄酱师傅将比目鱼煎至外皮香脆，鱼肉嫩滑，配上慢煮番茄酱，味道酸甜，提鲜之余亦好开胃，同埋可以中和鱼油腻感。铁板烧美国牛肉眼薄烧牛肉眼油脂丰盈，薄片经过师傅快速炙烤，五成熟嘅牛肉包上葱花同埋蒜片，牛肉味浓郁，油脂丰润，配上鲜蕃茄、鲜菜同埋脆片，口感丰富。樱花虾炒饭炒饭好有镬气，加入鸡蛋，饭粒粒粒金黄分明，樱花虾口味酥脆，味道咸香，鲜味十足，樱花虾咸香鲜味渗透住每一口嘅米饭，非常高质。Dessert香槟金橘吉士脆最中饼，最中饼系一种日本甜食，最中饼口感外脆内软，夹上金橘同埋吉士忌廉，金橘味道酸甜，吉士忌廉软滑，配上最中饼嘅外脆，好有层次感。Mentha SuaveolensCocktail 用上苹果薄荷伏特加作为基底，再加上白酒、香草、青苹果、青柠同埋梳打水调制，容易入口，味道酸甜，口感清新。20th Gen RosemaryMocktail用上士多啤梨、士多啤梨果泥、柳橙、迷迭香橄榄油同埋盐打制而成，带有浓郁士多啤梨味，非常清爽。
继续阅读
您可能会有兴趣的...