影片
更多
2022-07-28
74 浏览
今晚食咗一間omakase ，性價比好高，$1480 講緊有25品，碟碟都好精緻，而且好好味。呢個價錢可以同時食到原隻海膽、龍蝦、生蠔，相對於同類型餐廳，唔算好貴，可以一試。本身我唔係咁鍾意食飯，呢間嘅omakase絕大部份都係刺身，極少壽司，好啱我✨前菜日本白粟米，係生嘅，食落清甜。沖繩水雲，落咗土佐醋酸酸甜甜好好味，上面加咗松葉蟹肉，更加豐富。最後仲有水八爪魚片，係今晚我最鍾意嘅前菜，中間係八爪魚吸管，落左土佐醋啫喱，非常開胃。❁ 粒貝 加咗岩鹽、柚子皮調味，識落鮮爽。❁ 海膽豆腐 上面加咗赤海膽、黑魚子，好靚好好味😋❁龍蝦刺身龍蝦刺身即劏即食，好興奮又可以打卡😎😎😎肉質煙韌，感覺爽口，好新鮮。龍蝦頭會攞去煲湯，湯品嗰陣就會飲返。❁ 磯燒平貝 落咗七味粉所以辣辣地 ，食嘅時候仲係暖笠笠，肉厚實☺️❁ 壽司師傅話要右至左食，由淡味去到濃味。右: 北寄貝落咗青檸調味，本身已經有足夠鮮味，唔使落豉油。中:花竹蝦，自己好鍾意呢件，賣相好靚蝦又新鮮，加柚子皮，味道剛好。右:黑鯥魚，肉質鮮甜係刺身入面嘅極品，加上柚子胡椒，更能帶出鮮味。❁ 湯葉 即係腐皮😋勁香豆味 腐皮凍身、滑溜，豆香加上三文魚
前菜
日本白粟米，係生嘅，食落清甜。沖繩水雲，落咗土佐醋酸酸甜甜好好味，上面加咗松葉蟹肉，更加豐富。最後仲有水八爪魚片，係今晚我最鍾意嘅前菜，中間係八爪魚吸管，落左土佐醋啫喱，非常開胃。
❁ 粒貝
加咗岩鹽、柚子皮調味，識落鮮爽。
❁ 海膽豆腐
上面加咗赤海膽、黑魚子，好靚好好味😋
❁龍蝦刺身
龍蝦刺身即劏即食，好興奮又可以打卡😎😎😎肉質煙韌，感覺爽口，好新鮮。龍蝦頭會攞去煲湯，湯品嗰陣就會飲返。
❁ 磯燒平貝
落咗七味粉所以辣辣地 ，食嘅時候仲係暖笠笠，肉厚實☺️
❁ 壽司
師傅話要右至左食，由淡味去到濃味。右: 北寄貝落咗青檸調味，本身已經有足夠鮮味，唔使落豉油。中:花竹蝦，自己好鍾意呢件，賣相好靚蝦又新鮮，加柚子皮，味道剛好。右:黑鯥魚，肉質鮮甜係刺身入面嘅極品，加上柚子胡椒，更能帶出鮮味。
❁ 湯葉
即係腐皮😋勁香豆味 腐皮凍身、滑溜，豆香加上三文魚子鮮甜，而且感覺好健康。
❁ 白見貝
即象拔蚌加上竹碳鹽，食落有咬勁☺️
❁ 牡丹蝦🦐
原隻牡丹蝦脫殼，蝦身肉厚，上面係牡丹蝦蝦膏✨
❁ 岩蠔🦪
大大隻新鮮蠔，加入酸汁、醋啫喱、蔥花，打卡正
❁ 壽司
右: 帆白貝 加上柚子皮，軟林林好好味😋
中: 白蝦加炸白蝦，白蝦本身已經好有黏性，味道鮮甜，少少岩鹽已經可以幫助帶出鮮味✨
右: 喜之次本身有份好重，係高級刺身，經過火炙，皮會焦脆，味道真係不得了☺️
❁ 間百魚配馬糞海膽
好鍾意呢款🥰馬糞海膽本身味道濃郁，用淡味嘅魚包裹住，唔會比魚肉奪去鮮味。加上羅白苗，食落辣辣地。最正就係上面有啲金箔，打卡一流！
❁ 岩手縣原隻紫海膽
今日嘅焦點☺️✨❤️呢個價錢竟然食到原隻海膽，影相影咗好耐好開心，配上高湯啫喱、三文魚子，鮮味一絕，好唔捨得食🙈
❁ 南非鮑魚
經過慢煮四個鐘的南非包魚，蘸上蟹膏醬，味道濃郁，而且咬勁十足，仲有2大件。
❁ 香魚bb 天婦羅
呢款同樣都係打卡一流，香魚炸完之後可以企起身，師傅一定用咗好高超嘅技術，好神奇~食落有少少甘味，但唔會太油膩。
❁ 拖羅壽司
師傅吩咐一分鍾內要食，所以好快影完相即刻食🙉加上炸蒜碎，拖羅相對係粗筯 ，紋理順滑。油脂十足🍣
❁ 左: 白海膽 屬於最高級別嘅海膽，味道濃郁，比較甜口，用紫菜天婦羅、淡雪鹽 帶出鮮味。
❁右: 毛蟹 一絲絲蟹肉清甜細膩，加上醋啫喱、紫蘇花。我哋可以自己決定紫蘇花嘅份量，個人建議少少就夠，如果唔係會食唔到蟹肉鮮味。
❁中: 玉子布丁 🍮濃郁蛋香
❁ 龍蝦頭舞蓉菇清湯
用咗頭先龍蝦刺身嗰個龍蝦頭熬製，舞蓉菇清湯本身比較淡口，龍蝦頭加上鮮味。食到呢個時候已經好飽啦😋清清地幾好！
❁ 開心果雪糕
比較少地方有得食，唔算好甜，師傅話喺日本訂返嚟㗎。
张贴