安平燒肉

今日下午出開旺角，下午諗食咩果陣，突然醒起一直想食既安平燒肉，都仲未去試，先前睇網上留言都話好多人同網上訂位極快被人book晒，本住上去搏一搏既心態，睇下今日食唔食到，坐電梯上去，一打開電梯門，就見到兩排等，都只有幾個人向度等，諗住埋櫃枱拎飛，職員就話可以即刻入座，原來外面果幾位人兄，都係等緊人，未人齊唔入住，因依度限定，係由入座起計120分鐘，離座前30分鐘就係last order,到咁上下時間，都會有職員提一提醒⏰，依一點非常好，唔係間間都會提，向第2間試過無為意，當發覺既時候已經太遲
本人有少少既提議，大家可參考一下，因果個M5和牛，質素唔係咁穩定，加上另外兩款既牛肉其實已經好出色，如果下次我再去既，我會選$308果個，唔需要俾多幾十蚊，食個質素無保證既M5和牛

近電梯旁都有mean俾你睇，睇下唔同價錢既，有分別唔同既野食

4

4

係明火爐，火力好夠，燒肉類同海鮮都好快食得

有一排飲品櫃，上層幾幾款冷泡茶，下層就有雀檸同各款汽水

最入面果款係M5和牛，第一轉唔錯，好香濃牛肉味，另外兩款都好好食😋

依碟其實已經係第4碟，M5和牛除左第一次叫果碟外，其餘黎親既都唔太好，質素比第一碟差好多，相反另外果兩款，碟碟質素突好好，保持到，好好食，牛肉粒都好有肉汁

虎蝦新鮮，味道同肉質都好好，多春魚就正常發揮啦，但扇貝就令人有d失望，唔係咁好食