影片
更多
2022-10-25
121 浏览
涼風天特別容易肚餓，胃口特別好！所以揀咗一鍋堂120分鐘任飲任食火鍋，一飽口腹之慾！夜晚按ABC餐分三個時段收費，7點黃金時間入座，揀咗C餐$288一位，另收加一服務費。C餐比B餐多咗5款靚肉可選擇。葵芳分店店舖雖大，座位亦多，但人流唔少，要提早排隊拎飛。➺➺一鍋潮汕湯職員推介呢個湯底，加入左曬乾大地魚，成煲湯有濃郁鹹香味，又加入咗胡椒碎，有驅寒功效，好適合而家天氣飲。湯底整體感覺清清地，飲落潤喉舒服。➺➺牛肉C餐牛肉種類選擇有8款，試咗澳洲M5和牛板肉、花雕浸安格斯牛肉、美國安格斯牛肉、封門柳、牛板腱，幾款牛肉薄薄地，淥兩淥索晒汁，都好滋味！不過澳洲和牛雪花明顯多啲，油脂分佈均勻啲，特別有好感，有事花雕浸安格斯牛肉切得厚身啲，特別軟腍，食落特別有口感！➺➺手串生猛海蝦、沙白蜆啲蝦幾新鮮，食落去係爽嘅，沙白蜆蜆肉大大粒，幾鮮甜！➺➺真係花膠估唔到任食火鍋都有花膠，當然唔係花膠筒嗰啲咁大隻，但係食落都彈牙，過吓口癮都唔錯！➺➺野生竹笙竹笙大大塊好完整，大家都知道竹笙係勁爽嘅，用嚟打邊爐特別正！手打三寶丸特別多汁彈牙，鍾意佢細細粒，唔會食得太飽，可以留肚試其他食材！另外仲試咗好多其他食物，
➺➺一鍋潮汕湯
職員推介呢個湯底，加入左曬乾大地魚，成煲湯有濃郁鹹香味，又加入咗胡椒碎，有驅寒功效，好適合而家天氣飲。湯底整體感覺清清地，飲落潤喉舒服。
➺➺牛肉
C餐牛肉種類選擇有8款，試咗澳洲M5和牛板肉、花雕浸安格斯牛肉、美國安格斯牛肉、封門柳、牛板腱，幾款牛肉薄薄地，淥兩淥索晒汁，都好滋味！不過澳洲和牛雪花明顯多啲，油脂分佈均勻啲，特別有好感，有事花雕浸安格斯牛肉切得厚身啲，特別軟腍，食落特別有口感！
➺➺手串生猛海蝦、沙白蜆
啲蝦幾新鮮，食落去係爽嘅，沙白蜆蜆肉大大粒，幾鮮甜！
➺➺真係花膠
估唔到任食火鍋都有花膠，當然唔係花膠筒嗰啲咁大隻，但係食落都彈牙，過吓口癮都唔錯！
➺➺野生竹笙
竹笙大大塊好完整，大家都知道竹笙係勁爽嘅，用嚟打邊爐特別正！
手打三寶丸特別多汁彈牙，鍾意佢細細粒，唔會食得太飽，可以留肚試其他食材！另外仲試咗好多其他食物，醬爆賴尿蝦牛丸、蝦滑釀油炸鬼、麻辣小鮮肉、水魷、八吋長蟹腳棒……每樣食物都好合理幾好味，有啲仲好創新！所以呢間火鍋店長期都排長龍！除咗以上食物可以透過QR code點單之外，出邊仲有自助熱食前菜區、涼菜沙律吧、肉丸自助吧、蔬菜、麵、飲品自助區！選擇多到成日食都唔會厭！
张贴
