喜棧 (已結業)

10點45分來到喜棧粥麵，只會提供西式早餐給顧客，唯一中式早餐只係糯米雞粥品需要等到11點後才有得選擇。11點再次到達，仍有早餐選擇，但糯米雞已售罄，需要等到下午再返貨。(咁11點至12點既顧問咪無得食囉)11點有原價粥品可以選擇，但午餐既粥品套餐則需要11點半才有，所以呢段時間入座，基本上選擇好少 (連淨雲吞都話要11點半先有)，咁不如唔好咁早放餐牌出黎俾客人啦！環境尚可，坐位舒適; 服務員對客人不過不失，但內部對答就較粗魯。坐低就有杞子普洱茶，但飲落無咩特別。講返食物水準，並非如之前食評所寫，蘿蔔糕味道一般，份量偏細價錢偏貴，可以唔試都得。(平均一件$11)皮蛋瘦肉粥並不如食評所講粥底很“棉”，只能評論為不過不失。瘦肉有少許咸，應該係用了咸瘦肉煲粥。小妹覺得粥品一般。整體感覺好普通，價錢與食物水準唔成正比，小妹有機會也不會再試。