喜棧 (已結業)

今日咁岩返晏，又可以食到下午茶😋😋，好耐無去過食呢間，咁岩個同事話想食呢間就去喇😁😁。佢想食飯，我就想食麵😂😂，大家都有自己想食嘅野。入面 d 坐位都幾寬闊，原來都有好多人同我地一樣都去食下午茶架😂😂，我就叫左個炸醬撈面，同事就叫左個柱侯牛筋腩飯，我個個麵都唔錯咼👍🏿👍🏿👍🏿，個麵質地好彈牙。我叫左個熱柚子蜜就唔洗加錢😬😬，我同事個個凍檸水就要加 $3，不過價錢都算化算嘅，下次都可以再食。

menu: 有齊所有最common嘅粥粉麵飯質素: 幾好味，又平(話晒銅鑼灣)環境: 除左平日lunch time逼人D之外，其他時段都坐得好舒服，乾淨企理，唔會趕客。

兩點幾，一個人，肚餓想食碗米線，記得之前行過有呢間聲稱係魚湯嘅米線，所以過嚟試吓。叫咗一碗魚湯魚腐米線，唔係午餐冇跟飲品，盛惠$43。嚟到，見到係一碗淨米線，望吓張單打咩？ 原來幫我走葱仲走埋魚腐，不單止，仲幫我改埋做午餐收多$8。叫個伙計嚟睇睇，攞走咗話幫我換，換完番嚟，還番幾粒魚腐俾我❨真係唔該晒❩。 第一口飲啖湯先，well，同我喺超市買嗰d濃湯寶冇分別，一樣味道，魚腐呢？ 求其一包急凍嘅都好食過佢，至於米線份量呢，係啱你減肥時食嘅，包唔會夠飽。總括，呢$43係嘥得不明不白，早知去隔離食個燒味飯仲好。題外話，當日我坐近廚房，邊食邊聽到廚房大佬喺度高歌助慶，埋單前仲有收銀阿姐同廚房大佬用三字經互相問候，真係有得食有得睇，幾咁高興！

叫左個焗咖哩豬扒飯 冇炒底都算 啲飯硬到一舊舊咖哩仲要有啲酸味 雲吞麵冇特別 但絕對唔值$42呢個價錢店員服務態度極差 企係你後面吹你叫野 絕對冇下次宜家啲餐廳收得人咁既價錢 但係食物質素就咁差👎🏻👎🏻👎🏻

大家一定要注意！！！为了评分我一定要认真的写好200字。我在铜锣湾附近上班，经常会过来喜栈吃午餐/晚餐。今天我点了至尊鲜鱼汤酸辣米线，服务态度还不错，上菜速度也还可以但是在我吃了一半之后才发现，这家店汤里有塑料丝，具体看照片！叫了店员之后店员说是捆豆芽的塑料丝混进来了，给我换一碗。既没有道歉也没有免单，就觉得我们给你换个新的不错了。塑料丝不能过火，煮了有毒但是不为客户着想。煮菜的时候没注意这么大的问题，还一点不道歉，也不给免单，没有赔偿。我反正不会再来了，味道好不好不要紧，这间店食物不安全！不安全的食物，不要吃！

落雨落到個人好悶，剛好lunch time細雨左，一於出街食，雖然喺銅鑼灣扮工扮左一段時間，但一直都無食過喜棧，於是同飯腳去試下。黎之前已經上網睇定有咩食，因為喉嚨有啲痛，於是決定食蝦子鮮蝦雲吞麵。可能兩個人嘅關係，唔洗等直入，坐底即叫，講野都未講到兩句麵已經到，真係快過搭火箭，雖然上枱快，但夠熱，讚。先講雲吞，唔係迷你仔，成粒放入口食超有滿足感，皮夠薄，肉饀食落口唔會油膩，仲食到有蝦，超級爽口彈牙，而且仲有陣陣嘅麻油香，正!麵都唔錯，條條分明，彈牙但有啲硬，蝦子亦夠鹹香，可惜不多。喺唔係雲吞麵店嘅地方食到咁嘅質素嘅雲吞麵簡直喜出望外，可惜淨係食碗麵都要$42無野飲真係有啲貴。

睇外表已略知一二👉用心: 雲吞size好入口，個湯靚仔，有葱絲又有菜，仲有面頭既蝦子，唔係咁多雲吞舖會用上，唔平痳! 果然味道好好，湯清唔油，雲吞肉味甜，電吞皮又薄又滑，係蝦子既點綴吓成碗麵更覺野味! 奶茶仲係冰陣既，由頭飲到尾都係一個濃奶茶味而這個喇沙湯又係正! 蝦味濃香，又唔會得個辣字。其實用魚旦、豆卜吸味最好! 這個時候又係品嚐靚湯既好机會，友人都連麵飲咗半碗仲話要介紹比朋友添。要食佢，鬆脆個醬就一般啦！set既好處係唔洗食貴菜，睇吓都知新鮮，唔油!

炸醬麵食得多，炸醬飯真係第一次吃，味道有少許spicy，但味道仍算不錯，但無餐飲，總覺得差dd咁，好彩靚女同事買咗杯厚奶茶比我，成件事就變得完全，謝謝你呀，靚女同事😘🌹

今日午飯時間終於都停雨，所以走到利園山道揾野食，今次揀左喜棧。午巿時間都不用等位，對客人來說當然是好，但對老闆就…….簡單D想食個雲吞麵，原本想叫餐，但餐只係多杯熱飲貴$10，所以都係單點一個蝦子鮮蝦雲吞麵。好快就上菜啦，有五隻雲吞，都算多。一咬開隻雲吞，超大陣麻油味，如果唔好麻油的可能食唔到，隻蝦都算大，都算係一隻足料雲吞。麵無乜特別，唔算太多，大食的可能唔夠飽。湯底有點咸，所以食完有D口渴~值得一提係，由入座都食完都唔駛15分鐘，對趕頭趕命的上班族黎講都係間好餐廳~

見d人話呢間餐廳ge喇沙性價比唔錯，今日襯lunch time 黎試下。佢十一點幾都仲有早餐，我地兩條友於是一個叫喇沙set，一個叫早餐set。先黎早餐。滑蛋一d都唔滑，好dry。。個多士OK, 夠脆身，有一盒仔牛油俾你搽。好多米粉，好大塊豬扒，但個豬扒唔好食。。。d蔥花為呢碗麵加返d分。好淡柯華田味。。呢碗喇沙係ok ge，料夠多，豆卜蝦蛋，仲有魚蛋好彈牙，湯底唔錯但唔夠香濃，麵底有油麵加米粉。奶茶正常冇過份甜。

叻沙又稱喇沙（馬來語:Laksa），是一道起源於南洋的麵食料理，為馬來西亞和新加坡的代表性料理。叻沙有非常多不同的種類，不同族群和地方對於叻沙的做法和味道也有極大差異，今天吃的應該是比較適合港人而改版亞參叻沙(Asam Laksa)，吾會太辣和酸，而又沒有太濃橄香。出色之處在於用淡水魚和蝦頭熬製的湯底，鮮而不濃，加上薑花、南薑、香茅、紅蔥頭、辣椒、叻沙葉（Daun Kesum）、巴拉盞、羅望子和亞參果片（Asam Gelugor/Asam Keping）等香料，喝下富有層次感。有了出色的湯底，餸料反成配角，生鮮嘅蝦和魷魚，爽口魚片跟超大粒魚蛋，完成一碗精彩的湯麵。

同朋友喺銅鑼灣行街咁啱行經白沙道。見肚餓 就入咗去呢間試吓入到去座位都非常闊落而且裝修都好靚好有香港特色相信應該好啱遊客嚟叫咗個蝦子鮮蝦雲吞撈麵除咗蝦子之外仲有蠔油汁喺隔離而且仲有成六粒雲吞咁多添！食落非常惹味啲朋友就帶咗個午餐就係焗豬扒飯豬扒相當厚 啖啖肉好滿足而個茄汁嘅味道都幾特別除咗正餐我哋仲叫咗兩個小食叫咗個炸雞翼 炸得好脆 但又唔會太乾有啲油咇出嚟 好好味呀！而且呢仲叫咗個五香魚卷棒脆卜卜 好好味！

今日, 放工同同事有D 肚餓 想近近地食個快DINNER這食店附近，見到有間喜棧, 就同同事去試試先！見到這門口PROMOTE 馬來海鮮喇沙，仲有套餐喎! 所以叫左啦喇沙的湯不算濃, 仲有椰奶味，除了有一粒勁大的魚蛋、魚片、蝦、雞蛋，麵底是油麵加米粉，呢個做法都幾正宗，味道不錯! 朋馳叫左個至尊鮮魚湯酸辣米線餐，咩都有齊唔洗諗咩餸 ~ 正! 湯底有魚既鮮味, 肥牛孜又多，　有一粒勁大的魚蛋, 炸雞翼全翼又嫩口美味! 樣樣有d~ 湯底又唔太辣, 味道一流\五香魚卷棒魚肉味十足 ~~餐飲叫了柚子蜜

我是一個頗固執的人，愛上某菜式，基本上就容不下其他，除非吃得太多厭倦了。我從小到大偏愛口味重的菜式，所以當我試過喇沙，一試愛上。今晚放工在銅鑼灣買些東西，順道吃碗麵。這家麵店裝潢簡樸，乍看以為是港式麵店，裡面裝橫樸實，餐具擺設井然有序。湯麵價錢合理，粉麵一碗由$42至$55不等，視乎份量而定，另外還可以加$18加魚蛋、雲吞、雞翼、炸豬扒等小食。⭐️馬來海鮮喇沙$55我點了一道馬來海鮮喇沙，加$15點了檸檬可樂。配料非常豐富，有魚片、魚蛋、雞蛋、蝦等，湯頭色澤亮麗，香茅香氣濃郁，足以令我肚子「咕咕」叫。湯頭細滑香濃，麵條吸滿湯汁後鮮味十足，吃起來令人滿足。魚蛋是長州大魚蛋，大大一顆，吃起來非常滿足，整體來說，這碗喇沙便宜又好吃。⭐️鮮魚湯油菜$18鮮魚湯配油菜吃很新鮮，不錯不錯。有時候自己一個人，吃一碗最愛的粉麵，靜靜思考，靜靜進食，享受一個人的樂趣也不錯。

是咁的，話說今日我發緊低燒，三點幾啱收工，仲未食晏，細佬好好等我收工，我細佬已經食咗，佢陪我嚟咗呢間食嘢。之後，我點咗一個餐，餐已經送到，我已經開始食緊，一邊同細佬傾緊計，有個吖姐突然行埋嚟要求我哋點多個餐，佢話每人最低消費係20蚊⋯我話我呢個餐都42蚊，人均消費都過咗，吖姐開始唔好脾堅持要我哋嗌多個餐於是，原本肚餓的我完全食唔落，對住佢真係冇晒胃口，叫佢嗌經理嚟問清楚究竟係乜Q收費，所謂經理都非常「理直氣壯」要我哋叫多個餐，又話叫杯嘢飲都可以，我聽到凌亂了，佢意思係我哋點都要嗌多個單點既價錢嗎？完全唔明白，都唔make sense😡我越聽越想嘔🤮 食嘢既胃口完全冇晒，周圍D人都好愕然，覺得佢哋坐地起價。食咗冇兩啖，俾佢咁搞法，已經唔想坐係度食，就算掙扎同反抗都係無力，最後叫佢哋轉外賣，加收1蚊。 Fine! 細佬同我都覺得呢次服務體驗真係實在太差太差，已經唔係可以接受範圍。後來回想起成件事。第一，點餐果陣，阿姐根本冇講清楚每個人都要點一個餐，我已經開始食先嚟講。如果講咗，我霖我哋一定會起身走人，因為我細佬都食咗飯，冇必要嗌多一個餐。第二，人均消費呢個表述係咪有異議？我張單已經係42蚊