影片
更多
2011-07-16
90 浏览
無可否認，加價前後(以前$19/送@$4；而家$20/送@$5)佢都keep到水準，而且無愧在下心目中的米線之王，但服務之差，真係令人不禁概嘆。1. 首先講自己，食緊米線個陣，拎部手機出黎睇.野，個阿姐竟然走黎同我講(語氣係威脅)「唔好睇啦！出面好多人等緊！」。好啦，的確食飯個陣睇野係無乜家教，所以我都乖乖收起電話。跟住我望一望錶，嘩，離我起筷只係得20分鐘！姑勿論食店有無權趕走食得慢既客，我食得20分鐘就要俾人趕係咩道理？因為同檯另一檯客差唔多食完，好明顯鋪頭係想一次過收番一張檯俾人，唔使叫其他客搬位咁麻煩。但咁鬼惡趕人走，根本完全無基本既服務水平。結果呢一餐只係用左27分鐘就食完。2. 呢個係我眼見另一檯既事。話說個檯有2個人點菜，阿姐幫佢地落緊既時候，同佢地一齊既第三個人黎到，岩岩坐低，阿姐就話：「要食咩，講啦。」第三個人就拎起張菜單望，咦咦哦哦左幾秒之後，阿姐就大大聲咁「嘖」左一聲，然後細細聲咁講「嘻，真麻煩。」跟住就行入廚房搞外賣。我同個檯客對望，佢地對住我苦笑。我個陣真係下巴都跌左出黎，因為我終於搵到比某知名茶餐廳更惡既侍應啦！本來諗住第一個俾喊臉，但諗深一層，都係我地呢種
1. 首先講自己，食緊米線個陣，拎部手機出黎睇.野，個阿姐竟然走黎同我講(語氣係威脅)「唔好睇啦！出面好多人等緊！」。好啦，的確食飯個陣睇野係無乜家教，所以我都乖乖收起電話。跟住我望一望錶，嘩，離我起筷只係得20分鐘！姑勿論食店有無權趕走食得慢既客，我食得20分鐘就要俾人趕係咩道理？因為同檯另一檯客差唔多食完，好明顯鋪頭係想一次過收番一張檯俾人，唔使叫其他客搬位咁麻煩。但咁鬼惡趕人走，根本完全無基本既服務水平。結果呢一餐只係用左27分鐘就食完。
2. 呢個係我眼見另一檯既事。話說個檯有2個人點菜，阿姐幫佢地落緊既時候，同佢地一齊既第三個人黎到，岩岩坐低，阿姐就話：「要食咩，講啦。」第三個人就拎起張菜單望，咦咦哦哦左幾秒之後，阿姐就大大聲咁「嘖」左一聲，然後細細聲咁講「嘻，真麻煩。」跟住就行入廚房搞外賣。我同個檯客對望，佢地對住我苦笑。我個陣真係下巴都跌左出黎，因為我終於搵到比某知名茶餐廳更惡既侍應啦！
本來諗住第一個俾喊臉，但諗深一層，都係我地呢種為食既人縱到佢咁，所以算數。反正以後唔會再去，因為咁既服務，味如嚼蠟也。
张贴