松家日本料理 (已結業)

啱啱既母親節，同我個女既媽咪 - 即係我老婆大人，去咗中環既「松家」食日本放題。之前一個星期曾經同舊同事食過，覺得唔錯，所以趁母親節再食過。今次感覺更好，坐得好舒服，同隔鄰有段距離，唔會迫住晒！食物方面，水準好高；刺身肥美、蟹粥用上新鮮的蟹來煲，蟹肉咬落去有質感，唔會「霉」、串燒種類繁多，保留到肉汁，而燒熟的程度剛剛好、鉄板燒也是非常好，好香，好味道、最驚喜的是他們有鮮榨果汁供應 ─ 分別有橙汁及西瓜汁，我100%肯定係鮮榨，橙汁有好多橙肉及西瓜汁勁多「沙」，我一共飲了5杯，好鬼滿足