SAKEH

营业中

休息中

嚟到日式嘅居酒屋，一定要食嘅當然就係串燒，有幾款我哋都好鍾意，先有雞皮紫蘇蝦卷，新鮮嘅大蝦用紫蘇葉包住，最外面嗰層就係薄薄嘅雞皮包住，成串拎去炸完出嚟好脆，食到雞皮嘅鹹香，紫蘇葉嘅清香，仲有鮮蝦嘅鮮甜，正正的！呢個厚切牛脷芯就真係好厚，一片片嘅牛脷好有質感，牛脷又會好嫩，唔會燒到好硬，用少少椒鹽去調味，少少咸，好入味！豬肉卷呢度都有兩款，先試皮蛋芫茜豚肉卷，一串入邊有幾舊豬肉卷，每舊都係有皮蛋同芫茜喺入邊，用薄薄嘅豬肉去包住，豬肉好嫩，燒脆左都仲好腍身，加埋皮蛋同埋脆脆嘅芫茜，口感好好！另一款係荔枝豚肉卷，同樣都係薄薄一塊嘅豚肉，今次入邊包住係大粒鮮甜嘅荔枝，新鮮嘅荔枝好清甜，煎香左嘅豚肉同荔枝原來好夾，中和返豚肉嘅油膩感，爽爽的！